Како што наведов претходно, Финска е една од неколкуте европски земји со конкурентна опција за тинејџери да одберат технички и стручни училишта, наместо гимназии кои главно се пат до диплома од хуманистички науки. Некои луѓе тврдат дека стручните училишта се втор или дури трет избор за младите, па поради тоа во тие училишта недостасува мотивација и дисциплина, а тоа е често проблем. Но, тоа не мора да биде така. Пред околу 20 години, стручното образование беше погрден збор меѓу родителите и кај многу ученици во Финска. Околу една третина ученици кои се отпишуваа од пониските одделенија на средните училишта тогаш посетуваа стручни училишта, некои бидејќи успехот за уписите во гимназија беше превисок. Отпишувањето од наведените училишта беше сериозен проблем. Системското полирање на сликата на стручното образование почна во 90-тите години во Финска.
Прво, наставниот план и програмата во стручните училишта е прилагоден на гимназиските стандарди. Со тоа, на сите ученици во стручните училишта се понудија повеќе општи предмети. Второ, значаен удел на стручните предмети се префрлија на вистински работни места, каде учениците можат во пракса да го научат знаењето и вештините кои им се потребни за нивните идни занимања. Трето, од стручните училишта и гимназии се очекуваше да замислат и да овозможат на учениците поголема флексибилност и поголем избор. Тоа доведе до зголемен број на ученици со завршени две средни училишта, и стручно и гимназија, со што заслужија право на пријава на факултет. Конечно, новооснованите не-универзитетски системи за високото образование на матурантите овозможија стручни училишта за понатамошно образование.
Исто така, сакам да ја потенцирам важната улога на професионалното насочување на играта во финските основни училишта во одделенија од 1 до 9. Сите ученици имаат еден училишен час со квалификувани професионални советници во повисоките одделенија на основните училишта. Учениците исто така поминуваат две недели на работно место за да научат за светот на трудот и да ги тестираат сопствените ставови за различни занимања. Целта на професионалното насочување е да се редуцираат погрешните одлуки нудејќи индивидуализирани информации и помош, пред младите да донесат одлука за своето идно образование.
Продолжува на страна 4
