Многу често се случува да сонувате како сте изгубиле пасош или документи, а особено се случуваат кога размислувате дали се осмелувате да скокнете во нешто ново и непознато. Губење документи на некој начин значи дека сте се изгубиле себеси, вашиот идентитет, а кога го сонувате тоа значи дека се плашите навистина да не го доживеете. Нормално е да се чувствувате исплашени од непознати и нови ситуации или можности, но тоа не значи дека нужно ќе се изгубите во тој процес.
Сите пречки што ги среќавате во соништата за патувања всушност ги симболизираат вашите ментални пречки или оние што некое лице ги става пред вас. Не дозволувајте другите да го контролираат вашиот живот и соберете храброст да ги исполните сите ваши желби. Тогаш скокот во непознатото ќе изгледа помалку застрашувачки. Ако ваквите соништа честопати се повторуваат, време е добро да размислите за вашите внатрешни превирања пред да започнете да барате надворешни причини.
Како што веќе споменавме, начинот на транспорт и превозните средства што ги користите во сон е многу важен за да го објасните сонот. Ако сте возач на автомобил, тоа значи дека сте свесни каде одите, колку брзо и точно знаете зошто. Можно е да сонувате да дека сте совозач или да седите на задното седиште, а тогаш тоа значи токму спротивно.
Сметате дека другата личност има контрола над вашиот живот и одлуки, а вие само седите таму како непристрасен набљудувач и гледате како животот ви оди без ваша интервенција. Не мора да станува збор за лицето кое го има воланот, но таа личност во сон може да ја претставува вашата работа, семејство или партнер.
Продолжува на страна 3
