Зошто често сонуваме дека паѓаме ? Зад оваа појава се крие необична појава

154

Многу луѓе кои редовно уживаат во добар сон може повремено да доживеат необично искуство – ненадејно будење со чувство на паѓање, познато како „хипник трзај“ или „миоклоничен трзај“.

Ова често се случува додека заспиваме, кога нашето тело ги подготвува мускулите да се релаксираат и одморат.

Феноменот на хипник трзај често ја изненадува личноста која се чувствува како ненадејно да паѓа, што може да предизвика несакано трзање на телото што целосно го буди, пренесува LADbible.

Експертите не се сосема сигурни зошто тоа се случува, но постојат теории дека тоа е поврзано со брзиот премин од будност во сон и можеби со невролошки процеси кои ја регулираат мускулната активност во тој момент.

Интересно

Еден TikToker познат како dr. Z детално зборува за научните аспекти на овој феномен. Тој наведува дека стресот, недостатокот на сон, па дури и прекумерното консумирање на кофеин може да бидат предизвикувачи за хипничко трзање. Според невронаучното објаснување, мозокот понекогаш погрешно ги толкува сигналите за време на транзицијата кон спиење, што може да доведе до ненадејни мускулни грчеви како одговор на перцепцијата за можен пад.

„Но, невронаучното објаснување за ова е дека кога вашиот мозок од буден преминува во поспаност, понекогаш може погрешно да го протолкува сигналот како потенцијален пад“, објаснува тој.

Некои научници веруваат дека хипничното трзање е еволутивен механизам кој обезбедува брза реакција на потенцијална опасност додека сме состојба на полусон. Иако ова е феномен кој често е безопасен и природен, доколку претставува проблем или загриженост, се препорачува да се консултирате со лекар за дополнителни совети и да ја проверите вашата општа здравствена состојба.

Како да се намали овој феномен?

За подобар квалитет на сон и за намалување на можноста од хипнични грчеви, се препорачува да избегнувате конзумирање алкохол и кофеин пред спиење и усвојување смирувачка рутина пред спиење. Ова може да вклучува активности како што се читање, медитација или слушање смирувачка музика за да се подготви мозокот за релаксација и сон.

Доколку сте физички активни, идеално е да вежбате порано во текот на денот за телото да има доволно време да се опушти и да се подготви за ноќен одмор, што може да ја намали можноста за ненадејно будење со чувство на паѓање.