Компанија од Сингапур разви тест со кој од здивот на лицето што се тестира се утврдува дали е заразено со корона за помалку од една минута!
Една стартап компанија од Универзитетот во Сингапур разви „Breathonix“, тест кој открива од здивот дали има присуство на вирус на корона.
Тестот е прецизен 90 проценти при утврдување на присуството на коронавирус, соопшти компанијата.
Првите студии беа спроведени на над 180 лица и точноста беше „околу 90 проценти“.
Ова значи дека тестот во тој процент од случаите точно дал негативен резултат, додека помеѓу пет и десет проценти од луѓето кои немале корона добиле лажен позитивен тест.
Цената на овој тест ќе биде околу 20 евра, што е скоро три пати поевтино од тестот за PCR.
Ваквите тестови претходно беа споменати како релативно погодни за „скрининг“, но не и за самата дијагноза.
Компанијата се надева дека ќе добие зелено светло од властите за масовно производство на својот производ сличен на алкохол од следната година. Дотогаш, пренесува „The Daily Mail“, тој, наводно, ќе биде доволно подобрен за да се користи и за дијагностика.
