РЕЦЕПТИ

Украинско јадење “varenyky” од тесто полнето со компири

March 4, 2022

1133

УКРАИНСКИТЕ varenyky се состојат од едноставно тесто полнето со варен компир и пржен кромид.

Кнедлите се варат кратко во вода и потоа се пржат на путер за да добијат крцкава кора, но можете да го прескокнете тој чекор и да ги јадете сварени со павлака и пржена сланина.

ЕВЕ го рецептот ⇓

Состојки

Тесто
1 јајце
130 мл млака вода
½ лажичка сол
300 гр мазно брашно, повеќе по потреба

Полнење

1 кг компири
2 лажици масло
2 црвен кромид
1 нотка сол
¼ лажички бибер

Подготовка

1. Се замесува тесто

Од сите состојки замесете мазно тесто. Додадете брашно по потреба, но не премногу одеднаш за да не треба да додавате повеќе вода. Кога ќе добиете мазно тесто, ставете го на набрашнета даска или во набрашнет сад и покријте го со чиста кујнска крпа. Оставете да отстои половина до еден час на собна температура.

2. Направете полнење

Сварете ги компирите со лушпа. Излупете го кога малку ќе олади ( да не се изгорерте).

Додека се варат компирите, исечкајте го црвениот кромид и пржете го во масло.

Во сад ставете ги сварените излупени компири, додадете го пржениот кромид, сол и бибер. Се пасира за да се формира пире.

3. Обликувајте ги кнедлите varenyky

Расукајте го тестото и исечете ги круговите со чаша. Тестото можете и со раце да го расукате во „змија“ како кога правите њоки, исечете го и секое парче виткајте го во круг. Ова може да го оставите за друг пат кога вежбате, вака кога ќе ги исечете круговите со чаша ќе добиете поубави форми.

Во средината на секој круг тесто ставете по една лажичка фил и затворете го во „лушпа“ или обликувајте varenyky.

4. Варете

Ставете големо тенџере со добро посолена вода да зоврие и сварете ги varenyky. Подобро е, да не се лепат, малку по малку, а за нив ќе бидат доволни 2 до 3 минути, во зависност од нивната големина. Исцедете.

Сега можете да ги јадете со малку пржена сланина и павлака, а можете да ги пржите и на путер.