Hansjorg Wyss и неговиот конзорциум можен купувач на Chelsea.
Рускиот милијардер Роман Абрамович во средата преку официјални канали на фудбалскиот клуб Chelsea ги прекина шпекулациите и откри дека решил да го продаде клубот, по 19 години поминати во него.
Hansjorg Wyss можен купувач
Со заминувањето на Роман Абрамович од клубот ништо нема да биде исто во Chelsea. Абрамович го издигна клубот и го направи уште поуспешен, меѓу другото и двократен европски шампион. Заврши една успешна ера во клубот, сега следи новиот сопственик, навивачите се надеваат на континуиран успех …
Англиските медиуми го наведуваат името на евентуалниот нов сопственик.
Во моментов, конзорциум од неколку инвеститори, предводен од 86-годишниот швајцарски милијардер Hansjorg Wyss тежок 5,1 милијарди долари, има најголеми шанси да го купи клубот. Wyss за швајцарските медиуми потврди дека му било понудено да го купи славниот англиски клуб.
“Абрамович се обидува да ги продаде сите свои вили во Англија, а се ослободува и од Chelsea. Во вторникот добив понуда да го купам клубот заедно со уште тројца инвеститори. Секако дека сум заинтересиран, но прво треба да анализирам се добро и потоа да донесам одлука. Сигурно сам нема да го купам клубот, веројатно ќе бидеме шестмина или седуммина“, рече Wyss.
American billionaire and LA Dodgers co-owner Todd Boehly 'is one of the businessmen working with Swiss medical magnate Hansjorg Wyss in a bid to buy Chelsea' https://t.co/sFBhEAScAr
— MailOnline Sport (@MailSport) March 2, 2022
Студирал на Харвард, започнал успешен бизнис
Hansjorg Wyss студирал на Харвард и по неговите студии започнал бизнис во челичната индустрија и продажба на авиони. После тоа, во 1977 година, тој ја основал компанијата Synthes USA, која се занимавала со производство на медицински помагала. Во меѓувреме, таа станала една од најуспешните во светот, а во 2012 година ја продал на Johnson&Johnson за 19,7 милијарди долари во кеш и акции.
Косопственикот на милијардерот од LA Dodgers, Todd Boehly е еден од мега-богатите бизнисмени кој работи со Wyss во обид да го купат Chelsea од Роман Абрамович, според извештаите од Островот.
Рускиот олигарх Абрамович ја сигнализираше својата намера да продава по инвазијата на неговата земја во Украина, во услови на закана од потенцијални санкции на британската влада.
Клубот – кој моментално е европски и светски шампион – се вели дека е проценет на над 3 милијарди фунти, а Wyss во средата наутро откри дека веќе е во преговори за купување на гигантот од Премиер лигата.
