Иако многу земји размислувале за таков начин на справување со неодговорните сопственици, тие се првите што презеле конкретни активности.
На градот Béziers на југот на Франција му е преку глава од сопствениците на кучиња кои не го чистат изметот на нивните животни на јавни површини, а градската влада сака со ДНК анализа за да ги пронајде прекршителите во иднина.
Почнувајќи од оваа недела, нова уредба бара од сопствениците на кучиња во центарот на градот да изготват генетски пасош за своите четириножни миленици.
Куповите оставени зад нив на тротоарот потоа може да се анализираат и да се идентификува виновникот.
По грејс-период од три месеци, секој што шета куче без генетска карта ќе треба да плати 38 евра, а ќе плати и казна од 122 евра доколку не го тргне изметот на кучето.
Првично, постапката ќе се тестира две години.
Не можам повеќе да го поднесам целиот овој измет. Само во центарот на градот отстрануваме повеќе од 1.000 секој месец. Мора да воведете санкции за луѓето да се однесуваат коректно, рече градоначалникот на Béziers, Robert Ménard, за France Info.
Ménard рече дека општината на сите сопственици на кучиња ќе им понуди бесплатно тестирање на кучешка плунка, што е неопходно за генетски пасош. Тој додаде дека тоа може да се направи и кај ветеринар.
Во други земји, општините кои се борат со измет од кучиња, исто така, ја разгледуваат ДНК анализата за идентификација на невнимателните сопственици кои не водат сметка за изметот на нивните животни оставен на јавни места.
Во Германија, градот Weilerswist, западно од Bonn, го објави овој потег минатото лето. Изметот е проблем на улиците, игралиштата и парковите. Сепак, прво би требало да се создаде правна основа за таква постапка. Според портпаролката Weilerswist, тоа ќе бара измена на законот за кучиња во државата. Ништо не е направено досега.
