7 вистинити приказни | Животни кои спасиле луѓе од сигурна смрт

7266

Често слушаме приказни за тоа како некој човек спасил некое животно од сигурна смрт, но понекогаш се случува и обратното.

Ова се седумте приказни за животни кои ги извлекле луѓето од работ на смртта.

1. Лавови спасиле девојче од киднапери

Кога сте во ситуација да сте беспомошни и повредени веројатно не би сакале да се сретнете со глутница лавови кои би можеле без проблеми да ве распарчат, но се чини дека овие 150 килограми тешки мачки сепак имаат меко срце. Едно девојче од Кенија исчезнало во близина на семејниот дом, се претпоставувало дека била киднапирана од тројца мажи, како би ја натерале да се омажи за еден од нив. Кога полицијата конечно го пронашла девојчето обиколено со лавови, од киднаперите ниту трага, ниту глас. Лавовите ја чувале цел ден не дозволувајќи никому да ѝ се доближи. Експертите велат дека лавовите така се однесувале поради нејзиното плачење кое ги асоцирало на липањето на нивните младенчиња, пишува Cracked.

2. Горила спасила тригодишно момче

Тригодишно момче од Илиноис паднало преку ограда во зоолошка градина, право во живеалиштето на горилите, од 5,5 метри височина, и ја удрило главата при што се онесвестило. Времето било пресуден фактор во спасувањето на животот на момчето, а во тоа најмногу се покажала Binti Jua, горилата, која го земала во раце и го однела до вратата на живеалиштето и на лекарите им овозможила побргу да дојдат до него.

3. Кит спаси жена која се давела

Во кинескиот град Харбин се одржувал натпревар во нуркање со еден здив во базен со ладна вода во која се наоѓале неколку китови. Една од натпреварувачките, 26 -годишната Јанг Јун, добила грч во ногата, останала без здив и не можела да исплива на површина. Прва во помош дошла Мила, женката на китот, која со устата ја грабнала за нога и ја истуркала Јанг до работ на базенот.

4. Свиња спасила сопственичка со срцев удар

Лулу е свиња чија сопственичка во својот двор добила срцев удар и останала неподвижна на подот. Лулу не губела време, ја урнала оградата за да побара помош. Отишла до автопатот, легнала на него за да запре некој автомобил, камион … Кога првиот автомобил застанал Лулу тргнала назад дома , а возачот ја следел. Кога ја видел неподвижната жена, повикал брза помош и животот на жената бил спасен.

5. Зајак спаси маж од дијабетична кома

Simon Stegall од Cambridgeshire паднал во потенцијално фатална дијабетична кома. Неговата сопруга била дома, но мислела дека тој заспал на каучот по долгиот работен ден, така што не сакала да го буди. Но, затоа Лили, нивното милениче зајаче сфатило дека нешто не е во ред. Тоа скокнало на градите на Simon и почнало да го лиже неговото лице. Откако Simon не реагирал, неговата сопруга сфатила дека нешто не е вред и повикала брза помош. Наскоро дошле лекарите и го спасиле Simon.

6. Коњ спасил жена од здивена крава

Статистичките податоци покажуваат дека повеќе луѓе умираат од напади на крави отколку од напади на ајкула. Така и Fiona Boyd станала мета на лутата крава откако се обидела да пријде до нејзиното малечко. Во еден момент здивеното животно од 500 килограми тргнало кон жената, но на патот му се испречила кобилата Kerry која кравата ја задржала доволно долго како Fiona би можела да побегне под електричната ограда.

7. Делфините се ангели на океанот

Пред 8 години четири спасувачи пливале по должината на брегот на Нов Зеланд , кога одеднаш ги опкружило јато делфини. Не им беше јасно што се случува сѐ додека еден од делфинте не нападна три метри долгата бела ајкула која пливала кон нив. Нивната одбрана траела 40 минути, сѐ додека спасувачите не допливале на безбедно.