НАСА разви интерактивна карта за покачување на нивото на морето врз основа на проекциите од Глобалниот извештај за климата.
По катастрофалниот глобален извештај за климата, кој покажува дека планетата сѐ повеќе ќе се соочува со климатски катастрофи, НАСА изработи интерактивна мапа што покажува покачување на нивото на морињата во светот во следните 80 години.
Картата е резултат на проекциите дадени во извештајот, и се базира на податоци за топењето на глечерите и ледниците, но и промените во морските струи. Картата може да се види ТУКА.
„Целта е да ги прикажеме податоците од извештајот во форма што лесно ќе ги визуелизира идните сценарија“, изјави научникот на НАСА, Ben Hamlington за Independent.
Сега одлучуваме каква ќе биде 2050 година
Bob Kopp, главен автор на извештајот и директор на Институтот за земјата, океаните и атмосферските науки на Универзитетот Rutgers, рече дека нивото на морето ќе се зголеми за 15 до 30 сантиметри до 2050 година, без разлика колку ќе бидат емисиите на стакленички гасови. Екстремниот пораст на нивото на морето што се случува еднаш на 1.000 години може да се случи до 2100 година.
„По 2050 година, проекцијата на нивото на морето во голема мера зависи од изборот што го правиме денес“, рече Kopp.
Нивото на морињата рапидно расте од 1970 година и во последните 100 години се има качено повеќе отколку во било кој век во последните 3.000 години. Просечниот раст во последните 100 години е околу четири милиметри.
Средоземното море расте за околу 60 до 70 сантиметри
Мапата, исто така, покажува точки, кои претставуваат места за кои се предвидува дека ќе имаат значителна штета од зголемувањето на нивото на морето. Според проекциите на НАСА, нивото на Средоземното море може да се зголеми за приближно 60 до 70 сантиметри до 2100 година.
Така, нивото на морето во Дубровник до 2100 година треба да биде повисоко за 62 сантиметри, градското пристаниште во Сплит за 57 сантиметри Солун 75, Кавала 05, Александрија (Египет) 74, Ираклион (Крит) 81, Ла Валета 63, Барцелона 75 …
