Откако Mark Zuckerberg ги објави своите “metaverse” планови и го смени името на неговата поранешна компанија Facebook, Microsoft откри дека и тој ќе се приклучи на тој виртуелен простор.
Додека Meta во “metaverse” ќе се фокусира на образовни, деловни и социјални контексти, Мајкрософт во моментов е особено заинтересиран за виртуелната канцеларија.
Но, што е всушност “metaverse” и до кој степен треба да веруваме дека неговата визија навистина ќе стане наше секојдневие?
Идејата не е нова. Имено, SF писателот Neal Stephenson во 1992. година во својот cyberpunk романот “Snow Crash” го измислил терминот “metaverse” претставувајќи тродимензионален свет во кој луѓето, односно аватарите, можат да комуницираат меѓу себе и со вештачки интелигентни агенти. Експертите на IFLScience откриваат што можеме да очекуваме од “metaverse”.
Што е всушност “metaverse” и до кој степен треба да веруваме дека неговата визија навистина ќе стане наше секојдневие?
Ви ги пренесуваме петте најважни промени кои ќе одбележат ново поглавје на интернетот.
1. Виртуелен свет
Според многумина, ова е најважната карактеристика на “metaverse”. Можете да го истражувате со компјутер, конзола за игри, мобилен уред, технологија за носење или друго, и да искусите 3D графика и звук. Идејата е дека ова прави да се чувствувате поприсутни во “metaverse”, а веројатно и помалку присутни во секојдневниот свет.
2. Виртуелна реалност
За ова ќе ви требаат VR очила. Идејата е да се нурнете во виртуелниот свет за да се чувствувате уште поприсутни, барем додека не налетате на нешто од секојдневниот свет, како масичка за кафе.
3. Комуникација со други луѓе
“Metaverse” е социјален. Таму има многу други луѓе кои се претставени како аватари. Некои од овие аватари може да бидат ботови, виртуелни агенти и вештачка интелигенција. Можете да се дружите со други луѓе или дури и да направите нешто заедно. Социјалниот аспект веројатно ќе биде централен за “metaverse” на Фејсбук со оглед на историјата на неговата социјална мрежа.
4. Упорност
Виртуелниот свет е достапен секогаш кога сакате да го посетите. Можете да го промените со додавање нови виртуелни згради или други објекти, а промените остануваат и следниот пат кога ќе го посетите. “Metaverse” ќе се потпира на вашата генерирана содржина, дигитални креации и лични приказни, на ист начин како што функционираат социјалните медиуми денес.
5. Врска со реалниот свет
Во некои визии на “metaverse”, виртуелните нешта во виртуелниот свет всушност претставуваат реални работи во реалниот свет. На пример, можете да управувате со виртуелен дрон во “metaverse” за да управувате со вистински дрон во реалниот свет. Експертите зборуваат за реалното и виртуелното како за „дигитални близнаци“.
Што ќе можеме да направиме во “metaverse” и кога?
Различни корпорации веројатно ќе имаат свои визии или дури и локални верзии на “metaverse”, но сите тие ќе бидат поврзани за да можете да преминете од една на друга.
Веројатно некои работи ќе бидат попривлечни и попрактични од другите. На пример, играње игри, бидејќи некои игри веќе донекаде влегле во “metaverse”. Идејата за дружење и запознавање со другите и чувство дека навистина сте со нив лично е исто така привлечна – особено во време на пандемија.
Сè уште немаме особено јасна идеја за “metaverse” понудите на Meta. Во објавувањето на ребрендирањето, извршниот директор Mark Zuckerberg спомена различни можности. Можеби ќе можете да се појавите на вистински состанок како холограм или да играте шах со некого каде било во светот на виртуелна шаховска табла поставена во реалниот свет.
Сепак, сè уште не е познато дали ќе пристапиме до сите интернет услуги преку 3D виртуелни светови и VR очила. Визијата на Фејсбук за “metaverse” е сè уште далечна од тоа да стане (виртуелна) реалност.
