Отстранувањето на опцијата за блокирање може да го стави X во конфликт со упатствата на Apple Store и Alphabet на Google Play.
Платформата Х, порано позната како Twitter, ќе ја отстрани опцијата што им овозможува на корисниците да блокираат други сметки, изјави во петокот сопственикот Elon Musk во уште еден контроверзен потег во компанијата што ја купи минатата година.
Функцијата за блокирање на Х му овозможува на корисникот да забрани одредени сметки да ги контактира, да ги гледа нивните објави или да ги следи.
Блокирањето ќе биде отстрането, освен за DM-пораки, рече Musk во објава на интернет, повикувајќи се на директни пораки.
Тој рече дека X ќе ја задржи функцијата “mute” што го спречува корисникот да види одредени сметки, но за разлика од блокирањето, таа не ја предупредува другата сметка за дејството.
Технолошкиот милијардер се опиша себеси како поборник за слобода на говорот, но некои критичари велат дека неговиот пристап е неодговорен.
Истражувачите откриле пораст на говорот на омраза и антисемитските содржини на платформата од нејзиното преземање, а некои влади ја обвинија компанијата дека не прави доволно за да ја ограничи содржината.
Отстранувањето на опцијата за блокирање може да го стави Х во конфликт со упатствата на Apple Store и Alphabet на Google Play.
Одговарајќи на објавата на активистката Monica Lewinsky која повикува Х да ја чува „клучната алатка за одржување на безбедноста на луѓето на интернет“, извршната директорка Linda Yaccarino излезе во одбрана на Musk.
Безбедноста на корисниците на Х е наш приоритет број еден. Развиваме нешто подобро од опцијата за блокирање и “mute”. Повратните информации се добредојдени, објави Yaccarino.
