БИДЕТЕ ПРЕТПАЗЛИВИ! Домашните миленичиња можат да бидат извор на зарази за вас, еве и кои најчесто!

319

Домашните миленичиња можат да пренесат бактерии, вируси и паразити на вашето тело, па бидете внимателни.

Миленичињата се дел од семејството за повеќето луѓе, но треба да се има на ум дека тие можат да бидат извор на болест, предупредуваат експертите.

Со цел да се избегнат непотребни ризици по здравјето, не треба да се претерува во искажување нежност кон миленичињата, тоа особено се однесува на децата и луѓето со слаб имунитет. Животните не треба да се бакнуваат, а откако ќе ги погалите, треба редовно и темелно да ги измиете рацете.

Здравствените ризици што ги претставуваат миленичињата се првенствено повреди – особено каснувања, алергии и заразни болести познати како зоонози. Иако некои земји, како Германија, имаат програми за пријавување заразни болести, изворот на инфекцијата не секогаш се наоѓа.

Обично е нејасно дали пациентот е заразен со друго лице, животно или храна, вели Хендрик Вилкин, ветреринар кој истражув зоонози на Институтот Роберт Кох (RKI), кој е одговорен за контрола и превенција на болести.

Во Германија, најопасната инфекција која може да се добие од домашни миленици е паразитот Toxoplasma gondii, вели Вилкинг. “Инфекцијата може да доведе до многу сериозни компликации кај луѓето чиј имунолошки систем е ослабен”, вели тој.

Како резултат на тоа, токсоплазмозата се манифестира со симптоми како грип кај некои луѓе. Мачките се домаќини на паразити, а луѓето можат директно да се заразат од нив или ако јадат месо заразено со паразитот. Жените кои се инфицираат пред или на почетокот на бременоста може да ја пренесат инфекцијата на бебето.

Според истражувањето на Институтот, повеќе од 4.000 бремени жени во Германија секоја година се заразени со паразити и повеќе од 300 деца се родени со клинички симптоми на токсоплазмоза. “Овие симптоми вклучуваат невролошки оштетувања”, истакнува Вилкинг. “Бремените жени мора да ги почитуваат хигиенските мерки во близина на мачките”.

Друга студија од страна на институтот покажала дека мачка во куќата значи зголемување на ризик од Лајмска борелиоза, болест која се пренесува со крлежи. “Мачката ги фаќа крлежите надвор и ги пренесува за време на галење”, вели Вилкинг.

Дали ова значи дека луѓето не треба да чуваат миленичиња за да бидат сигурни?

“Секако дека не”, вели Вилкинг, наведувајќи многубројни истражувања кои покажуваат дека миленичињата се корисни за здравјето на сопствениците кои се позадоволни од својот живот отколку оние без домашни миленици, тие повеќе се движат шетајќи ги и имаат повеќе социјални контакти.

Додека заедничкиот живот со кучињата и мачките е традиција која трае илјадници години, чување на егзотични рептили е модерно само во изминатите неколку децении. Последица на ова е зголемување на инфекциите со салмонела кај децата, бидејќи повеќето змии и гуштери ги отфрлаат овие бактерии во изметот. Инфекцијата со салмонела може да предизвика сериозна дијареа.

“Рептилите не треба да се чуваат во детски соби, бањи, а особено во кујни”, вели Френк Мутшман, ветеринар од Берлин.

Глодарите не претставуваат сериозен ризик за здравјето, вели Максимилијан Рејсшел, научник на Универзитетот во Хановер.

Но, зајаците можат да пренесат инфекции на горниот дел од респираторниот систем предизвикани од бактеријата Pasteurellom multocids. Хрчакот често е заразен со тропски штакорски грини чии каснувања можат да предизвикаат црвени чворчиња со гној кај луѓето.