Двајца млади Индијанци се упатиле до поглаварот на племето и одлучно му рекле:
„Ние се сакаме. Сакаме да ни дадеш твој благослов и да не поучиш што треба да правиме за љубовта да трае вечно.“
„Во ред. Пред да појдете со мене, пронајдете два орли и понесете ги со вас, а потоа ќе ви кажам што понатаму.“
Двајцата тргнале во различни правци и по кратко време донеле по еден орел. Кога стигнале повторно кај поглаварот, тој продолжил да им ја раскажува задачата.
„Сега земете го овој коноп и заврзете им по една нога на орлите со него, за да бидат постојано неразделни. Потоа пуштете ги да летнат.“
Момчето и девојката ги врзале орлите и ги пуштиле да летнат кон небото. Но, безуспешно, затоа што нозете им биле меѓусебно врзани. Паѓале на земја и почнале да се клукаат еден со друг како би се ослободиле.
„Сега пресечете го конопот.“
Во првата секунда по пресекувањето на конопот, орлите се вивнале во небото. Овојпат безгрижно и брзо се издигнале, се завртеле неколку пати во круг и тргнале да ги освојуваат планините.
„Ете ви ја тајната на вечната љубов и среќа. Ако се врзете еден за друг, никогаш нема да полетате. Секогаш летајте одвоено. Само така ќе ја откриете љубовта која носи душевен мир.“
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
