Засега лекарите не можат јасно да ја утврдат причината, но главната хипотеза е дека причината се аденовирусите, вообичаени вируси кои предизвикуваат низа болести како настинка, бронхитис и дијареа.
Во последните недели, непознат загрижувачки вид на акутен хепатитис (воспаление на црниот дроб) е откриен кај 169 деца во 11 земји во светот, а најмалку едно дете починало како последица на мистериозна болест, објави Светската здравствена организација (СЗО).
Ниту еден од петте познати вируси на хепатитис – А, Б, Ц, Д и Е – не е евидентиран кај болните деца, изјави Meera Chand, директор на Одделот за клинички и нови инфекции во Британската агенција за здравствена безбедност за Sun.
Необјаснет тип на хепатитис е забележан кај деца на возраст од еден месец до 16 години, но повеќето случаи се забележани кај оние под 10-годишна возраст, особено кај оние под пет години. Важно е да се истакне дека огромното мнозинство деца претходно биле здрави.
Седумнаесет деца, или 10 отсто од идентификуваните 169 случаи, страдале од форма на хепатитис толку тежок што им била потребна трансплантација на црн дроб, изјави таа за АФП.
Засега, лекарите не можат јасно да ја утврдат причината, но бидејќи аденовирусите се вообичаени вируси кои предизвикуваат голем број на болести како настинка, бронхитис и дијареа, но генерално не резултираат со тешка болест, идентификувани се во 74 случаи, можни узроци се аденовирусите.
Како превенција, лекарите го наведуваат зголеменото ниво на хигиена, а родителите ги повикуваат да внимаваат на симптомите на хепатитис.
1. Зголемена телесна температура
2. Пожолтување на очите или кожата (жолтица)
3. Блед, сив измет
4. Темна урина
5. Болка во мускулите и зглобовите
6. Хроничен замор без очигледна причина
7. Губење на апетит
8. Чешање на кожата
9. Чувство на слабост
10. Абдоминална болка
