„Можеме јасно да го следиме неодамнешното зголемување на нивото на морето и можеме подобро да предвидиме колку и како брзо океаните ќе продолжат да се зголемуваат“, објаснуваат од NASA.
Нивото на морето постепено се зголемува, за што експертите најмногу ги обвинуваат климатските промени.
Процесот на издигнување на морињата ќе продолжи и досега се објавени различни проекции за ова покачување да влијае на градовите покрај море. Предвидувањата се движат од умерено до потопување на значајни делови од градовите.
А како изгледало покачувањето на нивото на морето во последните три децении, можеме да видиме на примерот на визуелизацијата објавена минатата недела од NASA.
За анимацијата е заслужен на Andrew J. Christensen, кој ја создал врз основа на промените на нивото на морето следени од сателити помеѓу 1993 и 2022 година. Во овој период нивото на морето се покачило за цели 9 см. Од NASA велат, со цел визуелизацијата да биде што поубедлива, подигнувањето на нивото на морето го прикажале во форма на бранови, преку круг кој претставува бродски прозор.
"Sea Level Through a Porthole" – new animation by @NASAViz at https://t.co/YADfJXlaq7
Learn more from @NASAClimate at https://t.co/kAiasdwZGl #ClimateChange pic.twitter.com/4X0c7ibKXa
— Zack Labe (@ZLabe) June 19, 2023
Сателитите го мерат нивото на морето со испраќање микробранови сигнали кои отскокнуваат од површината на морето и го мерат времето потребно за овие сигнали да се вратат.
Врз основа на ова, научниците можат да ги следат промените, односно порастот на нивото на морето. Овие податоци потоа се вметнуваат во климатските модели, кои вклучуваат бројни други елементи – од мерењата на мерачите на крајбрежните плими, податоците за ледените маси и зголемувањето на емисиите на стакленичките гасови.
Затоплувањето на планетата има значително влијание врз порастот на нивото на морето бидејќи океаните апсорбираат дури 90% од топлината создадена од човековата активност, коментираат за Science Alert.
Како што морската вода се загрева, таа се шири, што влијае на дополнителното покачување на нивото на морето. Исто така, морето се крева поради топењето на ледените плочи.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
