Барем еден профил
– Сметам дека интернетот има потенцијал за неформално учење и дека наставниците мора да ја искористат можноста преку Фејсбук. Многу ученици веќе од основно училиште имаат барем еден профил на Фејсбук. Ако наставниците на Фејсбук се однесуваат професионално, тогаш можат да го користат за образование. Важно е јасно да се одредат норми на однесување, бидејќи за жал, се почесто има случаи на анонимни и злонамерни пријави на полиција или на просветната инспекција – вели Хајдаровиќ.
Дека учениците и наставниците не смеат да бидат пријатели на Фејсбук смета и универзитетската професорка Мирјана Назор. Под поимот пријателство, вели, денес се сметаат сите односи во кои мора да постои разбирање, уважување, почит и доза на толеранција. Виртуелните пријателства меѓу наставници и ученици, посебно ако наставникот го направи првиот чекор, не ги прифаќа.
– Тоа е многу многу проблематично и се прашувам кои се мотивите. Еднакво е проблематично и опасно во која било возраст на децата, од основните училишта па се до факултет. На наставничките совети треба да се зборува за таа појава, која не мора нужно да биде лоша, но може лошо да заврши – вели М. Назор, додавајќи дека ни родителите не треба да бидат пријатели на Фејсбук со своите деца.
Анкета – многу ученици сакаат ФБ дружење со наставниците
Во две интернетски анкети кои ги спроведе М. Хајдаровиќ за ФБ пријателство меѓу наставници и ученици, учествуваа 233 наставници и 253 ученици од средните училишта. Од испитаните наставници 97 отсто имаат профил на Фејсбук, а 89 отсто сметаат дека поради таквата комуникација со учениците нема да имаат проблеми. Од испитаните ученици повеќе од половина пријатели ги имаат своите наставници. Во образовни цели со учениците на Фејсбук комуницираат 70 отсто наставници, а 57 отсто ученици сметаат дека пријателството со наставниците е добро. Интересно е дека 63 отсто ученици сметаат дека наставникот не треба да реагира ако ученикот објави непримерна содржина.
