Се смета дека сировиот зеленчук е исклучително корисен, па затоа не треба да се готви.
Но последно истражување покажува дека некои видови зеленчук сепак треба да бидат подложени на термичка обработка, за да бидат уште подобро искористени. Ова важи за доматите, спанаќот, морковот, аспарагусот и печурките, тврди “Дејли мејл”.
Загревањето може да помогне за распаѓање на целулозата и за ослободување на минералните материи. Обработката на доматите ја зголемува концентрацијата на ликопен, кој го намалува ризикот од рак на простата. Но сепак термичката обработка го уништува витаминот Ц и тоа треба да се земе предвид.
Спанаќот е богат со оксалати, кои се поврзани со вредни минерали (железо и калциум). И целулозата, и оксалатите ја комплицираат апсорпцијата на железото. Затоа од зелените зеленчуци ние реално може да добиеме само 5% од фактичката содржина на железото. Загревањето ја намалува содржината на оксалати до 15%. Затоа многу е важно да се скрати времето на термичка обработка.
Морковот е богат со каротиноиди, кои му даваат светла портокалова боја. Загревањето на морковот ја зголемува концентрацијата на каротиноиди, кои се и моќни антиоксиданти.Специјалистите препорачуваат да се мешаат сирови и обработени моркови.
Обработката на аспарагус ја зголемува биодостапноста на хранливите материи и концентрацијата на полифенолите (антиоксиданти, го намалуваат ризикот од рак и срцеви заболувања).
Печурките пак имаат многу витамини и минерални материи. Постои можност да биде покачена нивната хранливост ако се додаде корисно растително масло (печурките го впиваат сето како сунѓер).
