Ролат со телешко месо, спанаќ, печена пиперка и фета сирење.
Состојки (за 4-6 лица)
- 2 кг телешки пафлак
- 500 гр спанаќ
- 3 главички лук
- 4 печени пиперки
- 200 гр фета сирење
- сол
- бибер
- сув босилек
Начин на подготовка
- Лукот исечкајте го на тенки парчиња, а спанаќот убаво исчистете го. Во длабока тава, со малку маслиново масло, пропржете го лукот и потоа додадете го и спанаќот малку да се пропржи. На крај додадете сол и бибер.
- Ставете сол и бибер на двете страни од телешкиот пафлак и потоа на целата површина на месото распоредете го убаво исцедениот спанаќ. Врз спанаќот ставете ги печените пиперки и одозгора фета сирењето (ситно исечкано). Додадете го сувиот босилек, полека притиснете со рацете и потоа свиткајте во ролат.
- Во сад за печење ставете масло и вода, само колку да се покрие дното и потоа додадете го ролатот. Ставете капак или фолија и печете час и половина во рерна загреана на 200 степени. Потоа, извадете го капакот или фолијата и печете уште 30 до 45 минути. Многу е важно месото убаво да биде испечено. Потоа извадете, оставете да се олади и исечете на средни парчиња.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
