Некои ситни лоши навики се меѓу главните причини за распаѓање на браковите. Ова го покажуваат податоците на британска адвокатска фирма која се занимава со по 300 тужби за развод годишно, цитирани од “Индипендент”.
Такви се удобната заборавеност да го фрлиме ѓубрето и исчезнувањето, кога треба да се чисти. Адвокатска канцеларија “JMW Solicitors” прецизира дека ваквите штетни навики се причина за 1 на секои 10 разводите.
Тие го вклучуваат и третманот на партнерот како дете, наставничкото однесување во целина, како и лошата лична хигиена. Други жалби вклучуваат поставување на потребите на домашниот миленик пред оние на сопругот или сопругата.
Адвокатите уште веруваат дека понекогаш тие што сакаат развод не истакнуваат лоши навики или тешко однесување на партнерот , како прекумерното гледање порнографија или комарџиството, од страв да не го попречат случајот. Ако ова е точно, само во Велика Британија околу 13 000 бракови годишно можат да бидат спасени од промена во однесувањето. Пресметките се на лондонскиот весник “Телеграф”, кој користи податоци на националната статистичка служба.
Претставниците на адвокатска канцеларија уште наоѓаат врска меѓу лошите навики и интернет. Пристапот до интернет е толку распространет што луѓето можат да вложуваат, да гледаат порно или да купуваат неразумно во речиси целосна тајност.
Ова е спротивно со можностите за развивање на истите пороци пред децении. Многу често овие проблеми не се споменуваат при започнувањето на делата, бидејќи тужителот доживува непријатности од делата на партнерот.
Заклучоците на адвокатска канцеларија се поддржани од податоците на Бирото за национална статистика, според кои 65% од разводите во Велика Британија во 2012 се дадени од судот поради неразумно однесување на некој од сопружниците.
Видливо од податоците е и намалување на разводите поради изневери и кај двата пола во последните децении.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
