Минатата година во САД беа потврдени три случаи на зараза со оваа амеба, до коja е дојдено при изложеност на слатка вода.
Човек од Флорида починал од амеба што јаде мозок, која можеби ја заразил откако ги исплакнал синусите со вода од чешма, соопштија здравствените власти.
Државниот здравствен оддел на округот Шарлот во соопштението од 23 февруари, продолжува да ја истражува причината за инфекцијата со амеба Naegleria fowleri. Пациентот не е јавно идентификуван.
Амебата колоквијално позната како „амеба што јаде мозок“ е едноклеточен организам што може да се најде во почвата и слатката вода низ целиот свет. Сака топлина и најдобро успева на високи температури, според Центрите за контрола и превенција на болести (CDC), така што инфекциите најчесто се пријавуваат во текот на летото. Повеќето луѓе се инфицираат додека пливаат во топли езера или реки.
Овие инфекции се многу ретки и се јавуваат само кога контаминирана вода влегува во синусите.
– Не можете да се заразите ако пиете вода од чешма – нагласува американското Министерство за здравство во своето соопштение.
Агенцијата ги повика граѓаните да користат дестилирана или стерилна вода за миење и плакнење на синусите.
– Водата од чешмата треба да се вари најмалку 1 минута и да се излади пред да се исплакнат синусите – се наведува во соопштението.
Минатата година, имаше три потврдени случаи на амеба во САД, според CDC, што се случило по изложување на свежа вода во Ајова, Небраска и Аризона. Пријавени се по три случаи во 2019, 2020 и 2021 година.
Пациентот во минатогодишниот случај на Ајова е жител на Мисури, кој се заразил откако пливал во езерото “Три огна“ во округот Тејлор во јуни. После тоа, езерото во Ајова било привремено затворено.
Во Небраска, дете се заразило додека пливало во реката Елхорн во август и било хоспитализирано. Починало во рок од 10 дена.
Симптомите на инфекција со naegleria fowleri вклучуваат главоболки, треска, гадење, губење на рамнотежа, дезориентација, напади и вкочанет врат. Болеста брзо напредува по појавата на симптомите, а пациентите обично умираат во рок од 18 дена или помалку.
