Ова е човекот кој одби да не умре со своите деца! (ФОТО)

130

“Сакај го своето дете какво и да е – неталентирано, несреќно и кога ќе порасне. Радувај му се, во своето обраќање, затоа што детето е празник сѐ додека е со тебе“- е едeн од советите на познатиот полски педагог Јануш Корчак. Дознаjте и за останатите совети!

Јануш Корчак е познат полски просветител, писател, лекар и социјален работник кој три пати одбил да го спаси својот живот!

Првиот пат тоа се случило кога Јануш одлучил да не емигрира во Палестина пред окупацијата на Полска, за Домот на сирачињата да не го остави на судбината и на волјата во пресрет на ужасните настани. Вториот пат, кога тој одбил да избега од варшавското гето. Третиот пат било вака: кога сите жители на Домот на деца без родители биле веќе во возот подготвен да тргне во логор, на Корчак му пришол еден СС-офицер и го прашал:

– Дали вие го напишавте: “Кралот Матијуш”? Книгата ја прочитав во детството. Не е лоша книга. Слободни сте.
– А децата?
– Децата не се. Но, вие можете да го напуштите вагонот.
– Грешите. Не можам. Не се сите луѓе гадови.

По овие зборови за Јануш Корчак не треба да се каже ништо. Нам нѝ останува само да се потсетиме на неговите 10 принципи на образованието:

  1. Не очекувајте од детето да биде како вас или како што вие би сакале тоа да биде. Помогни му да не стане како ти, туку како тоа самото.
  2. Не барај од детето надомест за сѐ што си му дал. Му го даде животот, како би можело тоа да се врати? Тоа ќе му даде живот на некој друг, а тој другиот ќе го даде на третиот – тоа е неповратен закон на благодарност.
  3. Не искажувај лутина на детето, за во длабоката старост да не ти биде горчливо парче леб. Бидејќи, тоа што ќе посееш, тоа и ќе никне.
  4. Не гледај во неговите проблеми како да се незначителни. Животот на секој му е даден според неговата сила и затоа верувај дека нему не му е полесно отколку на тебе, а можеби му е уште потешко, бидејќи нема искуство.
  5. Не понижувај!
  6. Не заборавај дека најважни се средбите на еден човек – неговите средби со децата. Обрнувајте повеќе внимание на нив – никогаш не знаеме кога тоа сме го сретнале кај детето.
  7. Не се мачи ако нешто што можеш да направиш за своето дете, само сети се: за детето не е направено доволно ако не е направено сѐ што може да се направи.
  8. Детето не е тиранин кој завладеал со твојот живот, а не ниту само плод од крвта и телото. Тоа е драгоцен трофеј кој ти го доверил животот да го заштитиш и во него да го одржуваш креативниот пламен. Тоа е ослободувачка љубов на мајката и таткото кои не го растат “нашето” дете, туку душата која им е дадена на чување.
  9. Научи како да го сакаш детето на некој друг. Никогаш не му го прави на туѓото дете она што не би сакал некој да му го прави на твоето.
  10. Сакај го своето дете какво и да е – неталентирано, несреќно и кога ќе порасне. Радувај му се во секое обраќање, затоа што секое дете е празник сѐ додека е со тебе.

(Telegraf.rs / Извор: Detinjarije.com)