Научниците за првпат отстраниле „лоша” ДНК

28

Група научници првпат успешно од ембрион отстранија дел од ДНК, кој предизвикува смртоносни заболувања на срцето што се наследни.

Тоа потенцијално отвора можност да се спречат 10.000 аномалии кои се пренесуваат со генерации, наведе Би-Би-Си.

Тимот американски и јужнокорејски научници дозволиле ембрионите да се развиваат пет дена пред да го запрат експериментот.

Овој експеримент ја најавува иднината на медицината, а „регулирањето” на ДНК-та отвора можност за бројни примени во медицината и вклучува идеја за бришење на генетски недостатоци кои предизвикуваат болести, почнувајќи од цистична фиброза, па се до рак на дојката.

Главниот научник во истражувачкиот тим составен од експерти од Универзитетот во Орегон, Институтот Салк и Институтот за базични науки во Јужна Кореја, др. Шукрат Миталипов, изјави дека секоја генерација ќе го продолжи овој вид на „поправки на гените“ кои се одговорни за наследните болести.