Европа на уметницата ѝ даде доверба, но каде исчезна “Евросонг” што сме го сакале?
Прогнозите се остварија – Украина стигна до третата победа на Евросонг.
За среќа, некои прогнози се покажале погрешни, бидејќи Србија по десет години се врати во првите пет песни и го забележа најдобриот пласман од 2012 година. Сите се среќни поради успехот на Констракта, а вистинските фанови на „Евросонг“ се тажни поради сенката која се создала над фестивалот.
“Ана Ѓуриќ Констракта е име кое треба долго да се памети, почитува и слави. Песната „In corpore sano“, напишана од неа и Милован Бошковиќ, ни донесе радост, славење и причина да се гордееме со нашето претставување на овогодинешниот „Евровизија“”, се вели во соопшетнието на РТС.
“Беше фаворит од сенка и во Белград и во Торино, а во двете конкуренции успеа да направи неверојатен успех. Петтото место во збирот и четвртото место кај публиката е нешто со што можеме само да се гордееме”, изјавија од РТС.
Како и претходните години, публиката подобро ја оценила песната што ја претставувала Србија во Торино. Констракта доби одлични 225 поени од публиката, што со 87 поени од жирито е вкупно 312.
Тоа е најголем број поени кој некој преставник од Србија го има добиено, меѓу кои и Марија Шерифовиќ, која победи според вториот систем на гласање, кога победникот го одлучувала само публиката.
Констракта не доби поени од публиката од пет земји
Кога станува збор за поени од публиката, 12 поени Констракта доби од С. Македонија, Словенија, Хрватска, Црна Гора и Швајцарија. Според бројката дванаесет пристигнати од публиката на второ место е претставникот на Србија. И тука прва е Украина.
Сепак, се чини дека не е само регионот тој што се заљубил во Констракт. Србија доби по 10 поени од Бугарија, Австрија и Чешка, а гледачите од Шведска, Грција, Франција, Австралија и Сан Марино по осум поени.
Всушност, бодови за Србија нема добиено само од гледачите во пет земји – од Данска, Естонија, Литванија, Молдавија и Украина, што е голем факт.
Што се однесува до жирито, и оваа година не ни е наклонет. Освен дванаесетте од Црна Гора и Хрватска, добро се снајдовме и со експертите од С. Македонија кои ни доделија десет поени, а освежувачки е да се види дека австралиското жири ни даде осум поени.
Петтото место е одлично и да повториме уште еднаш:
Браво, Констракта! Ви благодариме за се, нема сомнеж дека сега е време за заслужен одмор пред летните фестивали кои ги чекаме.
Среќа поради Констракта, тага поради Евросонг
И покрај тоа што фаворитот на жирито, иако не е неприкосновен, беше Сем Рајдер од Обединетото Кралство, публиката го реши победникот на овогодинешниот „Евросонг“.
Доделување поени на публиката во финалето на Евровизија
Се чинеше дека на жирито не му се допадна толку украинската песна, заземајќи го само петтото место во првиот дел од гласањето, што ги намали очекувањата кога се во прашање гласовите на публиката.
Сепак, кој и да помислил така, гадно се зезнал, бидејќи претставниците на Украина добија најмногу поени од публиката откако е воведен телевоутингот во 1998 година, а од гледачите од 28 земји добија по 12 поени, што исто така, никогаш не се случило до сега.
Фаворитите на жирито, Велика Британија и Шпанија, добија само по една дванаесетта – Шпанката од Грција, и Британецот од Малта.
Двојни нули годинава немаше, но имаше поединечни. Германскиот претставник не успеа да собере ниту еден поен од жирито, а истиот успех кај публиката го имаше и натпреварувачот од Швајцарија.
Состојбата во Источна Европа беше пренесена и на „Песна на Евровизија“, за прв пат видлива во резултатите. И покрај фактот што многу аналитичари тврдат дека Украина ја доби претходната победа поради политиката, бројките не ги поддржуваат, бидејќи Џамала во Стокхолм во 2016 година не беше прва ниту кај публиката ниту кај жирито, но доби вкупно најмногу поени и победи.
Вистинските фанови на „Евровизија“ се чини дека се малку разочарани што гледачите не гласаа за песната, туку за ситуацијата, а многумина сметаат дека конечниот резултат го оцрни натпреварот, за кој уште долго ќе се зборува.
Дополнително, по синоќешното финале, Европската радиодифузна унија соопшти дека поради сомневања за регуларноста на гласовите, во второто полуфинале и финале се поништени гласовите во шест земји, а наместо нив биле дадени гласови врз основа на слични шеми на гласање во други земји. Не е соопштено за кои земји станува збор.
Организаторите на „Песна на Евровизија“ се пред голем предизвик, а доколку нешто во Украина не се промени до втората половина на оваа година, кога е неопходно да се знае градот во којќе се одржува натпреварот, можеби за прв пат од 1980 година ќе го погледнеме „Избор за песна на Евровизија“ во земја која не победила претходната година. Веројатно тоа нема да биде единствениот предизвик.
