Истражувачите се надеваат дека ова откритие ќе доведе до понатамошни истражувања за терапии за оштетување на меморијата.
Губењето на меморијата е еден од главните знаци на стареењето. И додека некои изгледаат свежо и на старост и се сеќаваат и на најмалите детали, на некои им е тешко да запомнат одредени работи дури и во помладите години. Па, како можете да си помогнете?
Студијата, која е објавена во списанието Frontiers in Neuroscience, ја тестира меморијата на луѓето на возраст од 60 до 85 години. По првичниот тест, научниците ги испратија учесниците на студијата дома и им дале за задача да мирисаат различни мириси во текот на ноќта. Така тие добиле дифузери и природно масло од роза, портокал, еукалиптус, лимон, нане, рузмарин и лаванда, кои требале да ги мирисаат два часа секоја вечер во следните шест месеци.
Резултатите се неверојатни. Нивните когнитивни способности драстично се подобриле. Поточно, тие се подобриле за 226 отсто во однос на почетокот на студијата.
Научниците веќе долго време знаат дека одредени спомени може да се поврзат со мирисите и дека мирисањето на истиот мирис може да предизвика потсетување. Исто така, губењето на мирисната способност, односно способноста за мирис, може да предвиди развој на речиси 70 невролошки и психијатриски заболувања. И тоа Алцхајмерова болест и други деменции, Паркинсонова болест, шизофренија и алкохолизам. Како што истакнуваат авторите на студијата, се појавуваат докази за врската помеѓу губењето на мирисот поради КОВИД и когнитивното намалување што произлегува од тоа.
Сетилото за мирис има посебна привилегија да биде директно поврзано со мемориските кола на мозокот, објасни Michael Yassa, професор по невробиологија на CNLM. Меѓутоа, за разлика од промените на видот кои ги третираме со очила и слушни помагала за губење на слухот, немало интервенции за губење на мирисот.
Истражувачите се надеваат дека ова откритие ќе доведе до понатамошни истражувања за миризливи терапии за оштетување на меморијата. Се додека тоа не се случи, можете слободно да ставите лаванда во спалната соба, некаде во близина на креветот и да уживате во нејзиниот мирис во текот на ноќта.
Извор: UCI
