Живот ѝ започнал со трагедија, ѝ дале две години живот, а потоа направила една работа што сé променила.
Violet Jessop е родена во Аргентина во 1887 година, во семејство на ирски имигранти, но нејзиното детство било обележано со болест.
Долго време боледувала од многу тежок тип на туберкулоза. Лекарите и дале помалку од една година живот, но упорната Violet успеала да се спаси, да се избори со болеста и да закрепне.
Животот на семејството Jessop во Аргентина ја изгуби смислата по смртта на таткото на Violet, а нејзината мајка со шест деца се враќа во Европа. Тие се преселиле во Англија, каде мајката на Violet се вработила како стјуардеса на патнички бродови, пишува “Historical Entertainment”.
Меѓутоа, набрзо се разболела, а дваесетгодишната Violet била принудена да бара работа како замена за нејзината мајка. Работата на стјуардеса на океанските бродови отвори перспективи за луѓето желни за патувања и авантури, а Виолет се пријавила во неколку компании.
На почетокот на 20 век, убава млада жена немала многу шанси да се вработи на океански брод. Violet доби неколку одбивања, кои обично биле оправдани со фактот дека компаниите бараат поискусни, средовечни жени. Тие верувале дека млада, атрактивна девојка на бродот може да стане извор на непријатни ситуации и меѓу патниците и меѓу членовите на екипажот.
Разбирајќи ја пораката што ѝ ја испратиле компаниите, Violet отишла на интервју за работа во компанијата “White Star Line” облечена во непривлечна облека, без шминка, со застарена фризура и генерално просечен изглед. Ѝ упалило. Во 1908 година, Violet е стјуардеса на компанијата “White Star Line”, која во тие години била сопственик на 3 од најпознатите бродови во светот.
Станува збор за таканаречените сестрински бродови – Britannic, Titanic и Olympic, кои со мали разлики биле проектирани и изградени по ист модел.
Првиот брод од оваа линија на кој Violet била стјуардеса е Olympic. Тоа бил најголемиот патнички брод изграден до тогаш. Меѓутоа, во 1911 година, Olympic е во центарот на една од најконтроверзните приказни таа година. Имено, дошло до бизарен инцидент кога британскиот воен брод Hawk удрил во Olympic, нанесувајќи му сериозна штета.
Дваесет и петгодишната Violet успеала неповредена да се извлече од инцидентот. Бродот Olympic всушност не потонал, туку за чудо успеал да стигне до првото безбедно пристаниште, но печатот долго време шпекулирал како можел да се случи таков судир.
За малерозната Violet, тоа бил знак дека е време да го смени бродот по неколку години. Веќе следната година, таа е примена како стјуардеса на најлуксузниот брод некогаш изграден. Бисерот на компанијата “White Star Line”, познатиот Titanic, тргна на своето прво патување до New York во април 1912 година, а Violet Jessop е меѓу нешто помалку од илјада членови на екипажот.
Ноќта на 14 април, додека Џек умирал од студот на Северен Атлантик, иако сè уште имало место на сплавот, на Violet ѝ била дадена посебна задача од претпоставените. Детето и го ставиле во прегратка, па и наредиле со личен пример да им покаже на патниците кои не зборуваат англиски како без паника да влезат во чамците за спасување. Така Violet, додека скапоцениот камен на англиската бродоградба тонел, на чамецот за спасување број 16, успеала да го преживее бродоломот на Titanic, кој однел вкупно околу 1.500 животи.
По оваа трагедија, Violet извесно време не работела на бродови, туку ги лекувала траумите во Лондон. Наскоро започнала Првата светска војна, а Violet се пријавила во Црвениот крст како медицинска сестра.
Во исто време, третиот брод од познатото трио најлуксузни бродови на White Star Line добива нова намена – стана огромна воена болница на вода. Се разбира, тоа не можело да се случи без Violet Jessop. Во 1915 година, Violet се качува на Britannic на своето прво патување по ризичниот Медитеран, по кој беснеела војна.
И по трет пат Violet се соочува со бродолом. Во август 1915 година, во Егејското Море недалеку од брегот на Грција, под сè уште нејасни околности, се случила сериозна експлозија на бродот. Иако преживеаните тврделе дека биле нападнати од торпедо од германска подморница, останува официјалната верзија дека налетале на мина.
Како и да е, монструмот од неверојатни димензии целосно потонал за помалку од еден час, поточно 54 минути. Сепак, за разлика од Titanic, кој тонел повеќе од два и пол часа, топлиот Медитеран на +25 степени бил многу поподнослив од -2 во Северниот Атлантик. Така, и покрај неверојатната брзина со која потонал бродот, повеќето од патниците и членовите на екипажот успеале да преживеат. Од нешто повеќе од илјада луѓе кои биле на Britannic во моментот на потонувањето, загинале 30 лица.
Ниту оваа трагедија не ја спречило Violet. Иако паузирала неколку години, по војната се вратила на првобитниот повик – стјуардеса на океански брод. Од White се преселила во компанијата Red Star Line, а со нив двапати ја обиколила земјината топка и ги посетила сите континенти.
Во 1950-тите, таа напишала и автобиографија, а во неа многу „теоретичари“ нашле некои аргументи за нивните, честопати луди, тврдења. Покрај ловот на богатство, осигурителните измами, нападот на вонземјани и слични работи, една од теориите што привлекла внимание се однесува на сопственикот на White Star Lane, а со тоа и на Titanic и неговите „сестрински“ бродови – J.P. Morgan.
Легендарниот финансиски магионичар, чие име сè уште го носи една од најголемите американски банки, бил еден од главните поборници за создавање централна банка на САД. Некои од најбогатите луѓе во светот биле на Titanic на неговото прво и последно патување, а неколку од нив биле жестоки противници на идејата за создавање централна банка.
Violet во своите мемоари напишала дека на бродот се шушкало дека сопственикот го откажал патувањето во последен момент, факт што, според неа, кој ќе го повторуваат членовите на екипажот. Имено, Morgan имал својот апартман на бродот, а се било подготвено за да исплови заедно со бисерот на неговата компанија. Сепак, на денот на заминување, Morgan едноставно не се појавил.
Овој случај предизвика многу шпекулации за тоа дали Morgan знаел што ќе се случи со бродот или дури наредил таков исход. Во теориите според кои бил предвиден бродоломот, Violet Jessop фигурирала како една од „инсајдерите“ на Morgan, луѓе кои биле на бродот и придонеле за трагедијата.
По три првични неуспеси, Violet работела на други бродови со децении и никогаш немала слична лоша среќа. Починала во 1971 година на 83-годишна возраст.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
