Кардиолозите ширум светот со години советуваат како да се храниме за да го одржуваме срцето здраво, кои навики да ги елиминираме, кои да ги вклучиме во секојдневието.
Но, интересно е дека постои една поза за спиење која е особено лоша за срцевите болни. Исто така, во зависност од проблемите кои ве мачат, треба да ја прилагодите позата на телото за време на спиењето, бидејќи на тој начин оптимално ќе влијаете и на сонот и на кардиоваскуларниот систем.
Студија од 1997. година истражувала како позите во кои спиеме може да влијаат на срцето. Од 40 лица, на 18 им била дијагностицирана срцева болест, а на 22 биле целосно здрави. За време на спиењето, ЕКГ ги следело активностите на срцето кога испитаниците ја менувале положбата на спиење, а резултатите покажале дека најмногу промени се забележани кај оние кои спиеле на левата страна.
Независна студија спроведена во 2018. година користела и ЕКГ за следење на однесувањето на срцето кај девет испитаници, и резултатите биле многу слични. Овие студии покажале дека се потребни дополнителни истражувања за тоа како положбата на спиењето може да влијае на активноста на срцето.
Додека некои пациенти на кои им била дијагностицирана конгестивна срцева слабост пријавиле проблеми со дишењето или непријатност при спиењето на левата страна, нема докази дека спиењето на левата страна ќе го зголеми ризикот од срцеви заболувања доколку веќе немате некоја состојба.
Некои експерти за сон всушност советуваат дека спиењето на левата страна не е штетно и може да го подобри здравјето на срцето.
Според д-р Кристофер Винтер, од Американското здружение за сон и спиење, станува збор за циркулација на крвта. Како што крвта влегува во срцето преку горната десна страна, ако спиете на неа, може да создаде притисок врз големите крвни садови кои го хранат органот. Меѓутоа, спиењето на левата страна и без притискање на десната страна исто така може да го зголеми протокот на крв во срцето.
„Оние кои имале проблеми, или се уште ги имаат, а се поврзани со здравјето на срцето, треба да спијат на десната страна, бидејќи така срцето ќе работи и ќе одмара во мир. Токму оваа навика може да спречи проблеми со дишењето и непријатност при спиење“, додава Винтер.
Додека спиењето на левата страна не им одговара на лицата со срцева слабост, од друга страна се препорачува за луѓе кои имаат висок крвен притисок.
