Трехалозата е поврзана со растот на два вида на Clostridium difficile, што може да предизвика дијареа, колитис, откажување на органите, па дури и смрт.
Според една студија од 2018 година, додавањето на шеќер што се користи во неколку намирници помогнало да се рашири сериозно опасната супербактерија низ САД. Ако наодите се потврдат, тоа е остро предупредување дека дури и навидум безопасните адитиви можат да предизвикаат здравствени проблеми кога ќе се внесат во нашата понуда за исхрана, пишува Sciencealert.
Во овој случај, трехалозата е поврзана со растот на два вида на бактеријата Clostridium difficile, која може да предизвика дијареа, колитис, откажување на органите, па дури и смрт. Брзиот пораст на бактерии отпорни на антибиотици стана главен проблем за болниците во последниве години, а времето се совпаѓа со појавата на трехалозата.
„Во 2000 година, трехалозата беше одобрена како додаток на храната во Соединетите држави за различни видови храна, од суши и зеленчук до сладолед“, рече еден од истражувачите, Robert Britton од Baylor College of Medicine во Тексас, во јануари 2018 година.
Линиите C. difficile за кои зборува Britton се RT027 и RT078. Кога истражувачите ги анализирале геномите на овие два вида, откриле DNK секвенци кои им овозможуваат многу ефикасно да се хранат со ниски дози на шеќерот трехалоза.
Научниците ги анализираа геномите на двата вида
Всушност, на овие специјални бактерии им треба околу 1000 пати помалку трехалоза за да преживеат од другите видови на C. difficile, благодарение на нивната генетска структура.
За да ги тестираат своите наоди, научниците експериментирале со глувци кои добиле од сојот RT027. Во групата која примала ниски дози трехалоза, стапката на смртност била многу поголема – не поради повеќе бактерии, откриле истражувачите, туку затоа што шеќерот дозволувал да произведува повеќе отровни токсини.
Според податоците од Центрите за контрола и превенција на болести на САД, пријавени во 2011 година, C. difficile е одговорен за половина милион инфекции во текот на годината и 29.000 смртни случаи во првите 30 дена од дијагнозата. Да се надеваме дека ова ново истражување може да ни помогне да најдеме начини за борба против ова.
„Важен придонес на оваа студија е сознанието дека она што некогаш го сметавме за совршено безбеден шеќер за човечка исхрана може да има неочекувани последици“, рече еден од истражувачите, James Collins.
