Потрагата по еликсирот на вечниот живот е стара колку и човештвото, но за некои не е доволно да остават наследство по кое ќе бидат запаметени, туку буквално да живеат вечно.
Од создавање вештачки интелигентни верзии за себе до користење на крвта од младите за да се запре стареењето, богатите пробуваат секакви начини да ја измамат смртта, а Sun наведува некои од нив
Вештачка интелигенција
Бескрајниот живот може да вклучува вештачка интелигенција или дури и виртуелна верзија од себе. Минатата година, компанијата наречена Somnium Space ги откри плановите да им понуди бесмртност на своите корисници со нов режим наречен „Live Forever“.
Учесниците ќе треба да достават голема количина на податоци на Somnium Space и да се согласат дека виртуелната верзија од нив ќе живее во метаверзумот. Artur Sychov, извршен директор и основач на Somnium Space, ги откри своите планови за додавање на режимот „Live Forever“.
Тој изјави:
„Буквално, ако умрам – и ги имам овие собрани податоци – луѓето можат да дојдат или моите деца да дојдат и да разговараат со мојот аватар, со моите движења, со мојот глас. Ќе ја сретнете таа личност. И можеби првите 10 минути кога разговарате со таа личност, нема да знаете дека всушност е вештачка интелигенција. Тоа е целта“.
Нанороботи
Некои експерти мислат дека нано-технологијата може да ни помогне да ја избегнеме смртта. Ray Kurzweil е компјутерски научник кој предвидел дека луѓето ќе станат бесмртни до 2030 година.
Во својата книга „The Singularity Is Near“, познатиот футурист сугерира дека ќе имаме технологија која ќе им помогне на луѓето да живеат вечно до 2030 година. Тој смета дека оваа технологија може да дојде во форма на нанороботи кои можат да го поправат телото одвнатре.
Млада крв
Мултимилионерот Bryan Johnson ја користи крвта на својот син Talmadge во обид да остане млад. 46-годишниот технолошки магнат призна дека троши милиони на третмани кои се надеваат дека ќе му ја вратат младоста и ќе ја намалат медицинската возраст на неговите органи.
Крвта се отстранува и од Johnson и од неговиот син, а потоа се претвора во делови со помош на високотехнолошка машина. Крвта се дели на течна плазма, црвени крвни зрнца, бели крвни зрнца и тромбоцити. Свежа мешавина на крв потоа се инјектира во вените на г-дин Johnson.
