Телото е наменето да се движи. Прекумерното лежење и седење ги оштетува сериозно не само фигурата, но и внатрешните органи.
Работата им се отежнува, а тоа доведува до еден куп болести и компликации во организмот.
Затоа треба да се потрудиме да се движиме повеќе. Не е задолжително да остварувате екстремни вежби, за да го одржите активно вашето тело. Лесните вежби исто така се од огромно значење.
Кои вежби се сметаат за полесни?
Сите моторички и физички активности кои не бараат особено силно напрегање се вбројуваат во дефиницијата благи. Тоа се прошетки, трчање по песок, возење велосипед, пливање, вежбите на земја.
Зошто се корисни лесните вежби?
Лесните вежби се соодветни за секоја возрасна група. Можностите за повреди се минимални, а и вежбите не се толку исцрпувачки.
Изградба на издржливост
Лесните вежби се добра почетна точка за почетници. За да не предизвикате здравствени проблеми со велгување нагло во енергетските спортови, обратете се кон меките оптоварувања во почетокот.
Намалување на холестеролот
Високите нивоа на холестерол се погубни за кардиоваскуларниот систем, а со тоа и за целиот организам. Луѓето кои имаат абнормални нивоа на лошиот холестерол треба да вежбаат блага физичка активност секој ден. Таа го намалува нивото на холестерол и го намалува ризикот од кардиоваскуларни болести.
Се регулира дијабетот
Лесните вежби помагаат на страдалниците од дијабетес да го контролираат поуспешно нивото на шеќерот во крвта. Лесните јога вежби, лесниот аеробик, водните вежби и долгите прошетки се целосно во ваша корист. Го регулираат метаболизмот на гликозата во организмот и го намалуваат ризикот од појава на дијабетес.
Контрола на хипертензијата
Вежбите помагаат кај луѓе со хипертензија. Тие ги намалуваат вредностите на крвниот притисок. Вежбите во вода, пливање и возење велосипед се меѓу најсоодветните за хипертензија.
Лесните вежби ги прават крвните садови поотпорни на тензиите. Ѕидовите им стануваат еластични и здрави.
Реагираат позитивно на артритис
Артритисот е дегенеративно заболување кое не се лекува. Симптомите само можат да бидат олеснети. И покрај болката во зглобовите, движењето не треба да се ограничува – токму спротивното. Лесните вежби се соодветни тука, бидејќи не предизвикуваат силна болка од агресивно оптоварување, но истовремено ги раздвижуваат и провоцираат зглобовите да не се здрвени.
Се борат со остеопорозата
Остеопорозата е предизвикана од недостаток на калциум во организмот. Тоа ги прави коските кршливи. Ризикот од онеспособеност се зголемува, особено кај скршеници и фрактури. Внимателните вежби ја зајакнуваат мускулатурата и коскениот систем. Така процесите на остеопорозата се намалуваат и прогресијата на болеста се забавува во времето.
Ефикасни се при бубрежни заболувања
За да ги ублажите реналните страдања, вежбајте почесто. Кај пациенти со бубрежни заболувања одењето и пливањето се одличен начин за подобрување на функцијата на бубрезите, а заедно со неа и бројни процеси во организмот.
