Веганскиот режим на исхрана може да покаже погубно влијание врз здравствената состојба на малите деца, предупредуваат британски експерти.
Според нив лишувањето од месо, риба и млечни производи од најрана детска возраст може да го оштети не само развојот на физикусот кај децата, но во најлош случај и да доведе до смрт.
Предупредувањето беше искажано од професор Мери Фјотрел од “Универзитетскиот колеџ Лондон” за време на средбата на Европското друштво за детска гастроентерологија, хепатологија и исхрана (ESPGHAN) во Прага.
Таа го аргументираше своето тврдење со фактот дека без млечни и животински производи организмот останува без клучни нутриенти како витамин Б комплекс, калциум, цинк и висококвалитетен протеин.
А, нивниот недостаток може да предизвика “неповратно оштетување” на нервниот систем на децата или неухранетост, предупреди таа.
