Од петте колонии набљудувани во регионот на Bellingshausen Sea на West Antarctica, сите до една доживеале „катастрофална“ 100 проценти загуба на младенчиња.
Дали царските пингвини ќе бидат првиот поларен вид што ќе исчезнат поради климатските промени?
Научните истражувања ја утврдиле целосната смртност на нивните младенчиња во неколку колонии на Антарктикот по рекордното топење на мразот во последните месеци.
Од петте колонии набљудувани во регионот на Bellingshausen Sea на West Antarctica, сите до една доживеале „катастрофална“ 100 проценти загуба на младенчиња.
Младенчињата се удавиле или умреле од студ кога мразот попуштил под нив.
Тие не биле доволно зрели за такви услови, заклучиле научниците во истражувањето објавено во четвртокот во списанието „Communications: Earth & Environment“, кое припаѓа на групата Springer Nature.
Ова е првиот голем неуспех на репродукцијата на царските пингвини во неколку колонии истовремено поради топењето на морскиот мраз и веројатно е знак за тоа што не чека во иднина, изјави водечкиот автор на студијата Peter Fretwell, научник од British Antarctic Survey.
Го предвидуваме ова веќе некое време, но да се види дека тоа навистина се случува е лош знак, додаде тој.
Во пролетта минатата година на јужната хемисфера, од средината на септември до средината на декември, морскиот мраз на Антарктикот се стопил со рекордна брзина. Во февруари паднал на најниско ниво од почетокот на сателитските мерења пред 45 години.
Според студијата од 2020 година, на Антарктикот живеат околу 250.000 парови на царски пингвини.
