Причината за смртта останува непозната.
Пејачот Аки Рахимовски почина денеска на 67-годишна возраст, потврди за 24сата неговиот менаџер Damir Osredečki.
“Утрово му се слошило, завршил во болницата во Ново Место, пред еден час ми рекоа дека починал, причината за смртта сѐ уште не ја знаеме”, изјавил Osredečki.
Од Аки се прости и Parni valjak, со трогателни објави на социјалните мрежи.
Да потсетиме, Аки од првиот брак го има синот Кристијан, а од вториот брак ќерката Дина. Со втората сопруга никогаш не се појавил во јавност ниту пак некој знаел како изгледала. Пред две години станал татко на девојче кое го добил со Словенката Barbara Vesel.
Своите најдобри години ги дал на Парни Ваљак
Пред Парни Ваљак, Рахимовски настапувал во различни бендови: Vacuum, Blood Brothers и Tor. Во 1975 година се случи судбоносната средба со Hus и Pađen. Истата година ја формираат легендарната првата постава на групата: Rahimovski, Hus, Pađen, Srećko Antonioli i Zlatko Mišić.
Следната година го издадоа својот прв студиски албум насловен “Dođite na show”. Додека првиот албум го издаде белградската дискографска куќа “PGP-RTB”, вториот е издаден од загрепската дискографска куќа “Jugoton” наречен “Glavom kroz zid”.
Потоа следеа мегапопуларните студиски албуми, како “Gradske priče”, “Vruće igre”, “Vrijeme na našoj strani”, “Glavnom ulicom”, “Pokreni se” i “Anđeli se dosađuju”.
Оригиналната постава се промени дури по 11 години, кога на бендот му се приклучија тапанарот Dražen Scholz и басистот Zoran Preksevac. Berislav Blazević “Bero” се приклучува на групата во 1989 година, а следната година го објавуваат новиот албум “Lovci snova”.
По успешни 15 години работа, во 1991 година издаваат албум во чест на одличната соработка “Svih 15 godina”, а истата година ја издаваат и компилацијата “Pusti nek traje”. Една година подоцна, им се придружува гитаристот Marijan Brkić, кој ќе остане до распаѓањето на бендот.
Aki Rahimovski и Ваљак освоија бројни награди, меѓу кои и 6 Porina за албумот “Buđenje” од 1993 година. Во 2015 година оваа група ја доби “Nagrada Grada Zagreba” за заслуги во промовирањето на општествениот живот во градот, за која самиот Аки признал дека му е најомилена.
Во 1995 година го издадоа својот најпродаван албум во живо
Еден од најпродаваните хрватски албуми на сите времиња, но и најпродаваниот албум во живо групата го издава во 1995 година под наслов „Bez struje: Live in ZeKaeM“.
Набргу потоа ги објавија албумите “Samo snovi teku uzvodno”, “Zastave” и “Pretežno sunčano?”.
По 30 години постоење на Парни валак, Хусеин Хасанефендиќ ги напушти, но бендот и понатаму продолжува да работи. Под водство на Аки е создаден албумот “U vremenu izgubljenih”. Набрзо, Аки решил да продолжи сам, па на почетокот на 2008 година го напуштил Парни Ваљак и со клавијатуристот Emil Saks започнал турнеја по Србија.
Една година подоцна, бендот одлучи да се обедини, а нивното враќање го одбележа турнејата “Karlovačko live”, која започна во Дубровник, а заврши во Чаковец.
Повратниот албум наречен “Stvarno nestvarno”, беше издаден во 2011 година. Не него се и две песни кои настанале по повод враќање на Парни ваљак: “Nakon svih godina” i “To sam stvarno ja”.
За потсетување, Парни ваљак планираше да одржи десет концерти во наредниот период, а мини турнејата требаше да започне во февруари.
