Ова е седми лет на авионот X37B, кој е во функција од 2010 година.
Пред 15 години американската војска првпат го лансира беспилотното летало X37B развиено од Boeing, а досега се извршени седум тајни мисии на овој мини вселенски шатл.
Последната ваква мисија е финализирана оваа недела кога X37B слета во Vandenberg Space Force Base на Флорида, без претходни најави за завршување на таа мисија.
Самата мисија започнала пред 434 дена, а ова летало од Kennedy Space Center на NASAполета во декември 2023 година со ракетата SpaceX. Авионот е долг 9 метри и широк околу 4,5 метри, а внатре нема место за луѓе, туку првенствено е наменет за различни воздушни и воени експерименти.
Како и секогаш кога станува збор за американската војска и тестирањето и експериментирањето со технологијата, повеќето работи за оваа мисија и нејзините цели се непознати.
Успешно тестирање
Сепак, вселенските сили објавија дека мисијата успешно ја покажала способноста за промена на орбитата со користење на атмосферско влечење за да се забави. Вселенските сили се задоволни од резултатите од тестот и експериментот, а програмскиот директор, потполковник Blaine Stewart коментираше дека ова е возбудливо ново поглавје во програмата X37B.
Поранешниот секретар на воздухопловните сили Heather Wilson зборувала и за можностите на овој авион на Безбедносниот форум одржан во Aspen во 2019 година, и го пофали маневрирањето на авионот X37B.
Таа потоа нагласи како авионот може да лета на непредвидлив начин, што им отежнува на противниците да го следат. Исто така, способноста за промена и пренасочување на орбитата преку воздушно сопирање треба да ја зголеми способноста на вселенското летало да ги избегне непријателските напади.
Повеќе детали за спроведените тестови и нивните резултати не се познати, а се очекува дека вселенските сили ќе продолжат со тестирање на ова вселенско летало и неговите способности во иднина.
Извор: ABC News
