Супероткритија – Случајни пронајдоци кои го промениле светот | Фото

544

Многу од пронајдоците во светот биле создадени како резултат на студиозни експерименти, но до многу од нив, верувале или не, се дошло доста случајно. Ова се некои од најинтересните кои го промениле светот во кој живееме.

Анестезија

Во 1776 година, американскиот стоматолог Хорас Велс открил азотен оксид, популарно познат како “рајски гас” или “гас за смеење”. Неговото откритие наскоро станало многу популарно и почнало да се користи на социјалните собири и во забавните паркови како нешто што ќе ги насмее и ќе ги забавува луѓето.

Тој на еден од таквите настани забележал дека актерот кој бил под влијание на гасот во текот на претставата незгодно паднал, но по падот продолжил да глуми како ништо да не се случило. Така открил дека луѓето под дејство на азотен оксид не чувствуваат болка. Од 1844. година почнал да го користи за анестезија при поправка на забите.

Гума за бришење

Англичанецот Џозеф Престли во 1770. година по грешка, наместо со лебни трошки со кои луѓето претходно го бришеле мастилото, се обидел да избрише направена грешка го гумена смола од дрво и открил дека тoj материја, всушност, многу подобро од лебните трошки го брише мастилото. Наскоро тој се збогатил со продажба на својот пронајдок – гума за бришење.

Сладолед на стапче

Во 1905. година, единаесетгодишниот Френк Еперсон измешал со дрвено стапче сок направен од прав и вода и по грешка го оставил на тераса. Ноќта била многу ладна, а наутро, го дочекал замрзнатиот сок со стапчето. Воодушевен од резултатот, своето откритие го патентирал во 1924. година под името Epsicle (ледено степче). Неколку години подоцна, децата го убедиле да го смени името на пронајдокот во Popsicle (сладолед на стапче).

Вијагра

Едно од најпознатите случајни откритија е вијаграта. Хемичарите кои го направиле барале лек за висок крвен притисок и срцева слабост. За време на тестирањата, тие не виделе никакви резултати во врска со тоа, но откриле дека оваа сина пилула успешно делува на интимните делови на телото кај мажите.

Нутела

По Втората светска војна, било многу тешко и скапо да се добие зрно од какао, па слаткарот Пјетро Фереро измислил чоколаден крем во кој 50 проценти зрна од какао ги заменил со лешници. Десертот, кој го нарекол џандуја, станал огромен хит, а Фереро наскоро почнал да го продава на други слаткари. Еден топол ден, чоколадата се стопила на сонцето во фин густ крем и го нарекол суперкрем. Денес тој се нарекува “nutella”.

Самолеплива лента (Чичак)

Французинот Жорж де Местрал ја измислил самолепливата лента, а идејата ја добил шетајќи го кучето. Тој забележал дека на панталоните му се “лепи” цветот на чичак, кој тешко се отстранувал од нив. Тој погледнал подетално и забележал дека цветовите имаат мали “куки” со кои тој се фаќа за материјалот. Во 1951. година го усовршил и ја патентирал самолепливата лента каква што ја користиме денес.

Кока-кола

Џон Стит Пембертон, фармацевт од Атланта кој развил сериозна зависност од морфиум, одлучил да смисли лек кој ќе му помогне да се реши од таа ужасна навика. Тој пронашол сируп од екстрактот кола-орев, кофеин, листови од кока, растителни екстракти и шеќери. Сирупот се продавал како лек додека еден ден келнерот не го разредил во минерална вода. Неговиот изум наскоро станал многу популарен, а „кока-кола“ на 6 јули 1887 година станала официјален бренд.

Пеницилин

Во август 1928. година, по годишниот одмор, британскиот биолог Александар Флеминг, се вратил во својата лабораторија и во своите Петриеви чинии видел мувла. Анализата го открила виновникот. Тоа беше мала габа Penicilium notatum, на која работел неговиот колега. За време на чистењето на лабораторијата, открил дека областа околу габите не содржи бактерии. Тој претпоставувал дека печурката ја излачува антибактериската супстанца и ја нарекол пеницилин.

Чипс

На крајот од смената во ресторанот во Њујорк во 1958. година, гостинот ги вратил компирчињата жалејќи се дека се премногу дебело пресечени. Лутиот готвач одлучил да ја “исправи” грешката печејќи ги компирите на многу тенки парчиња, ги фрлил на врело масло и по пржењето ги посолил. И така настанал чипсот!