Митови за џиновите кои некогаш оделе по Земјата често се присутни во митологијата, фолклорот, па дури и во Библијата и другите книги.
Иако овие приказни често се сметаат за фантастични, постојат индиции кои ја поддржуваат идејата.
Во сојузната држава Невада, откриени се извонредни човечки останки, при што некои скелети достигнуваат висина и до три метри.
Покрај нивната импозантна големина, телата, некои дури и мумифицирани, имале и црвена коса. Наодите ја поттикнале теоријата за постоењето на одамна заборавена раса на џинови на американскиот југозапад.
Според легендите на племето Paiute, Si-Te-Cah, џиновските канибали со црвена коса, дошле од далечни острови преку океанот. Приказната вели дека овие џинови биле повисоки, посилни и посурови од обичните луѓе.
Во 1911 година, при ископување на гуано од лилјаци во пештера во близина на Lovelock, Nevada, откриени се чудни предмети, што поттикнале официјални истраги во 1912 и 1924 година.
Вистински џинови
Мумиите, познати како Lovelock Giants, се пронајдени високи помеѓу 2,4 и 3 метри. Покрај тоа, пронајдени се сандали долги 38 сантиметри со траги од абење и огромна рака со голема тупаница, пренесува Indy100.
Една статија од 1931 година објави за уште два џиновски скелети откриени во суво езерско корито во близина на Lovelock. Коските биле високи 2,4 и 3 метри, соодветно, и биле мумифицирани на начин сличен на оној во древниот Египет.
Иако некои научници ја поврзуваат црвената боја на косата со околината во која биле закопани телата, постои и теорија дека тоа е доказ за постоењето на Si-Te-Cah и нивните роднини.
Легендата за племето Paiute вели дека џиновите биле натерани да војуваат против соседните племиња и дека по години конфликт побегнале во пештерата Lovelock. Останатите племиња се здружиле, запалиле оган на влезот во пештерата и ги задушиле и изгореле преостанатите џинови.
Иако овие џинови можеби се само плод на фолклор, митови и имагинација, интригантно е кога легендите се комбинираат со археолошки наоди.
