Тојота планира да изгради иден град на 75 хектари земја, во подножјето на планината Фуџи, Јапонија. Наречен Woven City, тој ќе биде еден целосно поврзан екосистем, напојуван со согорувачки водородни ќелии. Woven City ќе се развива со користење на најсовремени технологии во екологијата, конекцијата и мобилноста.
Дизајниран како „лабораторија за живеење“, Woven City ќе биде дом на постојани жители и истражувачи кои ќе можат да ги тестираат и развиваат технологиите како што се автономното возење, роботиката, личната подвижност, паметните куќи и вештачката интелигенција во реалниот свет на животната средина.
„Изградбата на комплетен град од почеток, дури и во толку мали размери како овие, е единствена можност да се развијат технологии на иднината, вклучително и дигиталниот оперативен систем за градската инфраструктура. Со луѓето, зградите и возилата поврзани и во комуникација едни со други со користење на податоци и сензори, ќе можеме да ја тестираме со поврзаната вештачка интелигенција“, вели Акио Тојода, претседател на Тојота.
Јапонската компанија ќе упати отворена покана за соработка со други комерцијални и академски партнери и ќе ги покани заинтересираните научници и истражувачи од целиот свет да дојдат и да работат на своите проекти во овој уникатен „инкубатор“ во реалниот свет.
„Ги поздравуваме сите луѓе кои се инспирирани да го унапредат начинот на кој ќе живееме во иднина, да ја искористат понудата на овој уникатен екосистем за истражување и да ни се придружат во нашата мисија да создадеме најдобар начин на живот до сега и мобилност за сите“, вели Тојода.
Покривите ќе бидат покриени со фотонапонски панели за да генерираат соларна енергија, покрај енергијата произведена од водородните горечки ќелии. Отворениот простор ќе биде исполнет со природна вегетација и хидропоника.
Домовите ќе бидат опремени со најнови технологии за поддршка на луѓето, како што е интегрираната домашна роботска асистенција во секојдневните активности.
