Лекарите ги предупредуваат сите оние кои имале Ковид во последната година на нова опасна по живот компликација.
Луѓето кои имале Ковид во изминатата година биле предупредени од лекарите да бараат знаци на нови потенцијални несакани ефекти.
Студијата покажала дека оние кои се борат со инфекцијата се изложени на поголем ризик од опасна по живот состојба која веќе погодила пет милиони Британци.
Дијабетес како последица
Заболените од Ковид имаат 46% поголеми шанси да развијат дијабетес тип 2 за прв пат во една година по позитивен тест.
Откритието е точно дури и за луѓе кои имале мали симптоми или воопшто немале. Сепак, оние кои се бореле со потешката форма на болеста биле најзагрозени, објави MSN.
Дијабетес тип 2 е кога телото не може правилно да го процесира шеќерот од храната. Потребен е строг надзор бидејќи без него, високиот шеќер во крвта може да предизвика оштетување на органите, очите и екстремитетите и да доведе до срцев удар и мозочен удар.
Тешката состојба веќе е во пораст поради зголеменото ниво на дебелина.
Истражување на научниците
Ziyad Al-Aly, раководител за истражување и развој во VA St. Louis Health Care System, кој го предводел прегледот, изјавил:
„За пошироката јавност, ако сте имале Ковид-19, треба да обрнете внимание на шеќерот во крвта“.
Ова сознание доаѓа во време кога се проценува дека секој 20-ти човек во Англија има Ковид.
Иако истражувањето беше спроведено првенствено на белци, постари мажи, голем број луѓе кои биле дел од истражувањето го убедиле г-дин Al-Aly дека неговите наоди се применливи за јавноста. Тој и неговиот тим ги споредиле здравствените досиеја на повеќе од 181.000 луѓе дијагностицирани со Ковид, со 4,1 милиони луѓе на кои не им е дијагностициран Ковид.
Студијата, објавена во Lancet Diabetes & Endocrinology, вели: „Сегашните докази што ги добивме сугерираат дека дијабетесот е аспект на повеќекратниот долгорочен синдром на Ковид“, а потоа додале:
„Стратегиите за пост-акутна грижа на луѓето со Ковид-19 треба да вклучуваат откривање и третман на дијабетес“.
И голем број помали студии покажале можност за дијабетес како последица на Ковид. Минатата недела, една германска студија покажала дека луѓето кои го преживеале Ковид имаат 28% поголеми шанси да развијат дијабетес тип 2. Студијата опфатила 35.865 луѓе кои биле позитивни на коронавирус.
Д-р Faye Riley од Diabetes UK изјавила:
„Оваа студија, како и другите, сугерира дека коронавирусот може да предизвика дијабетес тип 2, но сè уште не е јасно дали вирусот предизвикува нови случаи на дијабетес тип 2, открива недијагностицирани случаи или привремено го зголемува нивото на шеќерот во крвта.“
Дали сте во опасност?
Дијабетесот тип 2 може да остане неоткриен некое време бидејќи симптомите често се отсутни.
Може да бидете во неволја ако:
1. Мокрите повеќе од вообичаено, особено навечер
2. Постојано сте жедни
3. Многу сте уморни
4. Сте изгубиле тежина без да сакате
5. Имате чешање околу пенисот или вагината
6. Сте добиле исеченици или рани за кои е потребно долго време да зараснат
7. Имате заматен вид
Други ретки знаци се:
- Темни дамки на кожата
- Чести инфекции
- Чешање на кожата
- Сува уста
- Раздразливост
- Сладок здив
- Пецкање или вкочанетост
- Лоши заби
Ако имате роднина со дијабетес, имате прекумерна тежина, поголема е веројатноста за ваква дијагноза. Истото важи и за луѓето постари 40 години.
Но, тоа може да го добијат и децата, а се проценува дека 36.000 деца во Обединетото Кралство се изложени на ризик, а постоела загриженост за зголемување на дијабетесот кај децата по инфекцијата со коронавирус, пишува The Sun.
