Многу трудници својата најголема сексуална желба ја чувствуваат во средните три месеци од бременоста.
Често поради тоа, многумина од нив се грижат дали сексот за време на бременоста ќе им наштети затоа што мислат дека ќе му наштети на фетусот или ќе почувствуваат дека бебето е третата личност вклучена во врската, што кај многумина предизвикува збунетост и непријатност.
Сепак, што и да одлучите вие и вашиот партнер, предиграта во бременоста може да ви помогне да се опуштите, дури и ако не мора да заврши со секс. Едноставниот чин на гушкање, бакнување или масажа може да ви помогне да покажете љубов и поддршка еден на друг за време на бременоста.
Во продолжение дознајте дали предиграта во бременоста може да биде штетна и како може да изгледа.
Што всушност е предиграта?
Предиграта е секоја сексуална активност што се случува пред сексуалниот однос. Предиграта можете да ја протолкувате како загревање за пенетративен секс, иако тоа не секогаш води до сексуален однос. Предиграта може да вклучува активности како што се бакнување, галење, допирање или само разговор.
Предиграта може да го направи сексот повозбудлив. На пример, бакнувањето ослободува окситоцин, серотонин и допамин. Овие „хормони на среќа“ можат да го намалат стресот и да ви помогнат да се опуштите пред сексот.
Предиграта, исто така, предизвикува зголемен проток на крв во вашите гениталии и помага да се навлажни вагината, што го прави сексот попријатен и помага да се спречи болката за време на сексуалниот однос.
Предигра во бременост – дали е безбедна?
Со оглед на тоа дека самиот секс за време на бременоста во повеќето случаи не е штетен, дури и самата предигра не може да ви наштети.
Сепак, предиграта, односот и оргазмот за време на бременоста може да предизвикаат контракции на матката.
Во нормална бременост тоа не е штетно, но на трудниците кои се изложени на ризик од предвремено породување се препорачува да ја избегнуваат.
Идеи за предигра за време на бременоста
Еве неколку идеи за тоа како може да изгледа предиграта за време на бременоста:
- орален секс
- масажа
- топла бања
- валкани муабети
- шепотења
- меѓусебна мастурбација
- поминување на коцки мраз по телото итн.
Има многу идеи за предигра, но најважно е да ја пуштите фантазијата и да му соопштите на партнерот што најмногу ви одговара.
Оргазам и ејакулација за време на бременоста
Ако се прашувате дали ејакулацијата за време на бременоста ќе ви наштети, се додека имате моногамен секс со партнер кој нема сполно преносливи болести, безбедно е вашиот партнер да ејакулира во вас додека сте бремени.
Исто така, во повеќето случаи е сосема во ред да доживеете оргазам за време на бременоста. Оргазмот може да биде одличен за вашата емоционална и ментална благосостојба.
Запомнете дека сексот за време на бременоста е главно безопасен, но доколку се сомневате дека може да ѝ наштети на вашата бременост, задолжително консултирајте се со вашиот матичен лекар или гинеколог.
