Истражувачите од Broad Institute во Масачусетс, со помош на вештачка интелигенција, успешно откриле нов тип на антибиотик кој може да премине преку отпорноста на два вида бактерии кон постоечките антибиотици.
Ова откритие е објавено во научното списание New Science.
Новите антибиотици покажале ефикасност против Staphylococcus aureus и Enterococcus, бактерии кои станале отпорни на антибиотици Метицилин и Ванкомицин, соодветно. Staphylococcus aureus често предизвикува заболувања на кожата и ткивата, додека Enterococcus е поврзан со менингитис, абдоминални инфекции и инфекции на рани.
Членот на истражувачкиот тим, Феликс Вонг, истакна дека моделите на вештачка интелигенција не само ги идентификуваат потенцијалните антибиотици туку и објаснуваат механизмите на нивно дејство. Ова може значително да се скрати времето за откривање на нови и ефикасни антибиотици.
Првата фаза на истражувањето вклучи тестирање на 39.000 хемиски соединенија врз Staphylococcus aureus и човечки клетки, а реакциите што биле забележани помогнале во разбирањето на атомската структура и реакцијата на хемиските соединенија. Овој пристап кулминирал во откривање на нови антибиотици.
Според податоците од 2020 година, отпорноста на антибиотици предизвикала 6,2 милиони смртни случаи во светот. Светската здравствена организација предупредува дека овој проблем може да доведе до преку 10 милиони смртни случаи глобално до средината на векот.
