Ништо од патувањата за годишен одмор?

459

Ако има одмор по коронавитус пандемијата, најверојатно ќе биде во локални рамки. Министрите за туризам на ЕУ немаат временски план за заживување на патувањата.

Кога и како ќе се отворат границите за патнички сообраќај, никој не може со сигурност да каже во моментот, рече парламентарниот државен секретар Томас Барајс, кој е надлежен за туризам во германското Министерство за економија. „Германските туристи веројатно нема да патуваат во Шпанија или Грција во текот на летото“, проценува Барајс. Поверојатно е дека Германците ќе останат во својата земја или регионот оваа година. „И тука има прекрасни дестинации“.

Економската состојба во туристичката индустрија не е катастрофална само во јужна Европа, околу Средоземното море, туку и во Германија. Оваа година, туристичката индустрија оваа година смета на намалување на резервациите за пакет аранжмани и до 70 отсто. Туристичките компании можат да бидат најтешко погодени, со загуба на работа до 90 проценти, проценува Европската комисија во Брисел.

Хрватскиот министер за внатрешни работи Давор Божиновиќ, по видео конференцијата со своите колеги, најави дека отворањето на границите во рамките на ЕУ и нејзините надворешни граници ќе биде многу претпазливо. „Сите се согласуваме дека мора пред сè и најважно да спречиме нови бранови на инфекции“. Тој не прецизираше конкретни планови.

Продолжува на страна 2