Македонија загуби од Словенија со 27-25, на полувреме губевме со 13-10, одигравме борбено, но „змајчеки“ заслужено стигнаа до победата, ги искористија нашите грешки.
Добро тргнавме со 4-1 на почетокот, но Словенија се врати со 6-0, го презеде водството и првиот дел го реши со три разлика, 13-10.
Мартин Томовски со 8 одбрани не држеше во игра во првите 30 минути.
Во второто полувреме тргнавме со многу грешки, на моменти во ист стил возвратија и Словенците, но противникот го одржуваше резултатот во своја корист на плус 3 и 4 разлика, а во 39 минута се вративме на минус еден 19-18, а губевме со 17-12… Потоа повторно влеговме во серија на грешки, а Словенија тоа умешно го искористи.
Нашите репрезентативци одиграа борбено,и покрај поразот, оваа генерација на млади играчи докажа на оваа средба дека има сила во иднина да не радува на големите натпреварувања.
Filip Taleski becomes the first Macedonian ?? to score at the #ehfeuro2022 with a magnificent long-range shot ?#watchgamesseemore pic.twitter.com/ou1fcdy3Fn
— EHF EURO (@EHFEURO) January 13, 2022
Најефикасен во нашиот тим беше Кузмановски со 8 погодоци, голманот Томовски средбата ја заврши со 12 одбрани. Следно за Македонија е дуелот со Црна Гора на 15 јануари во 18 часот.
