Кафето, но и пијалоците со кофеин, колку и да се добри, можат да предизвикаат низа проблеми, но и реални опасности.
Со или без млеко, турска или еспресо, кафето е полно со антиоксиданси, ги зголемува когнитивните способности и за огромното мнозинство е незамисливо да го започне денот без него.
Сепак, тоа може да биде меч со две острици, а на некои им штети дури и во умерени количини. Двајца нутриционисти истакнаа за Eatthis кои треба да избегнуваат кофеин или барем да го сведат на минимум.
Секако, доколку кофеинот е навистина опасен, или ако земате лекови со кои е контраиндициран, лекарот ќе ве предупреди, но и без тоа нутриционистите посочуваат кој треба да се држи настрана од него.
Оние кои страдаат од синдром на нервозно дебело црево
„Кофеинот може да го забрза варењето и исто така да ги зголеми шансите за дијареа, што е еден од главните симптоми на воспалителна болест на цревата“, објаснува нутриционистот Angel Planells, додавајќи дека е мудро да избегнувате да пиете кафе ако страдате од синдром на нервозно дебело црево.
Ако имате глауком
„Интраокуларниот притисок може да се зголеми кај луѓето кои имаат глауком ако пијат кафе, според истражувањата. Затоа експертите советуваат да се намали внесот на кофеин или дури и да се избегнува, но верувам дека се потребни дополнителни студии“, додава Planells.
Ако ви пречи хиперактивен мочен меур
„Сите знаеме дека е најдобро да прескокнете да пиете голема шолја кафе пред долго патување, особено ако не можете лесно да стигнете до тоалетот. Внесот на кофеин може само да го забрза вашиот мочен меур, што ќе ве натера да уринирате почесто.“ објаснува Sue Heikkinen, нутриционист. Ако не пиете кафе често, може да бидете многу почувствителни на кофеин.
Луѓе кои страдаат од васкуларни заболувања
Бидејќи кофеинот од кафето може да предизвика моментален пораст на крвниот притисок и да го забрза отчукувањата на срцето, важно е секој човек кој имал проблеми со срцето во минатото да биде внимателен и да разговара со лекар за тоа колку кафе може да испие, објасни нутриционистот Kelli McGrane.
Бремените жени
Иако понекогаш се мачите да станете од кревет, по ова истражување сигурно ќе го испиете утринското кафе после појадокот.
“Американското гинеколошко здружение советува дека бремените жени не треба да пијат повеќе од две шолји кафе на ден за да го намалат ризикот од спонтан абортус и предвремено породување. Сепак, студијата објавена минатата година вели дека не постои безбедно количество кафе за трудниците и секој бремената жена треба да разговара со својот гинеколог за тоа колку кафе смее да пие“, вели Heikkinen.
Доење
„Бидејќи кофеинот е стимуланс и диуретик, можно е мајката што дои да страда од дехидрација, па затоа експертите советуваат дека кофеинот треба да се избегнува во оваа фаза исто како и во бременоста“, додава Planells.
Луѓе со нарушено спиење
Јасно е дека после непроспиената ноќ прво ќе посегнете по шолја кафе, но оваа навика може да доведе до маѓепсан круг на несоница и дневен замор. Дури и ако мислите дека попладневното кафе не ви го нарушува сонот, тоа всушност може да го направи. Совет е да го испиете последното кафе, но ниту било што друго со кофеин, шест часа пред да си легнете“, вели Heikkinen.
Луѓе кои страдаат од анксиозност или напади на паника
„Кофеинот е стимуланс кој може да ја влоши анксиозноста, а ако често патите од тоа, размислете да го намалите внесот на кофеин“, предупредува McGrane.
Ако ве мачи пролив
„Некои луѓе пијат кафе откако ќе се разбудат за да им „проработат“ цревата, но овој ефект не е пожелен кај луѓето кои често имаат дијареа. Можеби најдобриот избор би било кафето без кофеин, иако секоја течност ќе го стимулира варењето“, вели Heikkinen.
Луѓе кои страдаат од епилепсија
„Иако ова е мала студија, неодамна откри дека консумацијата на кафе е поврзана со почести напади, но секако потребни се повеќе студии“, рече Planells. Ако имате епилепсија, разговарајте со невролог за тоа колку кафе треба да пиете.
Деца под 12 години
„Иако кофеинот може секој од нас да направи малку нервозен, тој може да има позабележителни и уште посериозни несакани ефекти кај децата и тоа во помали дози“, предупредува McGrane. „На пример, премногу кофеин кај децата може да доведе до забрзано чукање на срцето, зголемена анксиозност, тешкотии со концентрирање и вознемирен стомак. Друг аспект што треба да се земе предвид, особено кај малите деца, е тоа што кафето може да ги прикрие знаците на глад, така што малите деца можеби нема да добијат храна што им е потребна за да растат и да се развијат. Конечно, имајте на ум дека самото кафе е доста кисело и како резултат може да ја оштети забната глеѓ и да го зголеми ризикот од кариес“. Истовремено, треба да се земе предвид дека многу сокови, па дури и некои чоколади содржат кофеин.
Луѓе со гастроезофагеална рефлуксна болест (GERB)
„Кофеинот може да го олабави долниот езофагеален сфинктер, кој е вентил помеѓу хранопроводникот и желудникот. Ова може да предизвика киселата содржина на желудникот да влезе во хранопроводникот, што резултира со непријатни симптоми на ГЕРБ“, вели Heikkinen.
