Најновата студија покажа дека мажите кои користат вијагра имаат намален ризик од прерана смрт, но експертите не се целосно убедени. Еве зошто.
Според резултатите од неодамна објавената научна студија, мажите кои земаат вијагра за еректилна дисфункција може да имаат помал ризик од прерана смрт.
Споменатото истражување ги разгледа 14-годишните медицински досиеја на повеќе од 23.000 Американци кои земале вијагра според лекарски рецепт. Истражувањето го финансираше фармацевтската компанија Sanofi. Анализата ги спореди здравствените податоци со оние од евиденцијата на 48.000 мажи во САД, кои не добиле споредлив рецепт.
Бидејќи Sanofi ја продава сопствената верзија на Вигра наречена Stendra, резултатите од истражувањето може да се земат со резерва и не може да се исклучи конфликтот на интереси. Сепак, тоа не значи дека тие треба автоматски да бидат отфрлени.
Интересни резултати
Учесниците во гореспоменатата студија, објавена во научното списание Journal of Sexual Medicine и кои земале вијагра (инхибитор на фосфодиестераза тип 5 или PDE-5i), според нејзините резултати, имале 39 отсто помали шанси да умрат од кардиоваскуларни болести, за разлика од мажите кои не го земале тој лек. Резултатите исто така покажале дека мажите кои земале вијагра имале 25 отсто помали шанси да умрат од која било причина за смрт и 13 отсто помали шанси да добијат срцев или мозочен удар.
Мажите кои земале поголема кумулативна доза на PDE-5i биле подобро заштитени од срцеви заболувања отколку мажите кои земале помала доза.
Истражувањето ја проверувало возраста, лековите, медицинската историја и статусот на пушење на учесниците, но од друга страна, студијата не можела да покаже причината.
Мажите кои избираат да земаат лекови како вијагра може едноставно да бидат поздрави на почетокот. Или нивната способност да се вклучат во сексуална активност по третманот можеби ги предизвикала придобивките за здравјето на срцето видени во студијата, наспроти подиректниот ефект на лекот, велат истражувачите.
Сепак, студијата укажува на потенцијалниот позитивен ефект на PDE-5i врз здравјето на срцето кај општата машка популација.
PDE-5i не само што се безбедни, туку може да имаат важни кардиопротективни својства.
Мислење на независни експерти
Иако е можно вијаграта да има некои кардиоваскуларни придобивки, ова ќе бара дополнително истражување, а оваа сегашна студија не го докажува тоа. Напротив, поверојатно е дека пациентите во оваа студија на кои нивните лекари им дале вијагра имале помали шанси да имаат срцеви заболувања, бидејќи ако пациентите имаат тешка срцева болест, честопати воопшто не им се дава вијагра, изјави за ScienceAlert Deepak Bhatt, директор на Mount Sinai Heart во Њујорк.
- Фармацевтските компании често финансираат студии „на дофат на рака“, како што е вмешаноста на Sanofi во овој случај, вели Nial Wheate, фармацевтски хемичар на Универзитетот во Sydney во Австралија.
Убеден сум дека резултатите се реални. Веќе некое време знаеме за кардиоваскуларните придобивки од овие видови лекови. Фактот дека тоа му користи на вашето срце не е воопшто изненадувачки, додава тој.
