Ништо не го зајакнува организмот како домашната супа од кнедли.
Пилешка супа со кнедли
Нема ништо подобро од тоа кога ручекот го започнувате со домашна супа, особено кога е со кнедли. Ова е прилично едноставно јадење, а се што ви треба е трпение и време да чекате да се свари супата. Лесно ќе направите и домашни кнедли во само неколку чекори.
Потребно
500 гр пилешко (по можност гради со коски)
2 средни моркови
1 корен од пашканат
1 кромид
1 китка магданос
1 помал целер
сол, бибер
вода
За кнедли
1 јајце
5 еднакви лажици гриз
1 лажица маст
нокте сол
Подготовка
Измијте ги деловите од пилешкото што ќе ги ставите во супата, па ставете ги во тенџере. Морковот, целерот и коренот од пашканатот исечкајте ги на коцки, па сè прелијте со повеќе вода и ставете ги на шпорет на повисока температура додека не зоврие. Измијте го кромидот и пресечете на половина, а потоа пропржете ја на рамната страна во сува тава. Кога водата ќе зоврие, намалете го огнот и додадете го кромидот, па оставете барем еден час да се готви. После тоа, извадете го месото од коските, вратете го во тенџерето, и фрлете ги сите непотребни делови. Супата е готова кога зеленчукот ќе омекне. Зачинете по вкус и додадете вода доколку е потребно.
Подготовка за кнедли
Со вилушка добро изматете една лажица маст, па додадете едно јајце, малку сол и сè соединете. Додадете го гризот и оставете го настрана десетина минути. Гризот ќе набабри после тоа време, па ако сè е премногу ретко, додадете уште малку гриз. Количината најмногу зависи од големината на јајцето, па затоа е добро да ја оставите смесата за кнедли да отстои пред да продолжите со готвењето. Кога супата е готова, извадете ги кнедлите со лажица и ставете ги во тенџерето, па варете околу пет минути. Пред сервирање посипете со ситно сечкан
