Минатата година, Нобеловата награда за хемија им беше доделена на Moungi Bawendi, Louis Brus и Aleksej Ekimovза откривањето на мали кластери атоми познати како квантни точки.
Научниците David Baker, Demis Hassabis и John Jumperја добија годинешната Нобелова награда за хемија за нивната работа на структурата на протеините, објави Royal Swedish Academy of Sciences.
Нобеловата награда, која се смета за една од најпрестижните во научниот свет, вреди 11 милиони шведски круни или околу еден милион евра.
Половина од наградата му беше доделена на Baker за компјутерски дизајн на протеини, додека другата половина е поделена помеѓу Hassabis и Jumperза предвидување на структурата на протеините, соопшти академијата.
Наградата за хемија е трета што се доделува секоја година по медицина и физика, кои беа објавени претходно оваа недела.
Нобеловата награда е востановена по волја на Alfred Nobel, изумителот на динамитот и богат бизнисмен, а се доделува на оние кои му донеле најголема корист на човештвото во текот на претходната година.
Прво доделена во 1901 година, 15 години по смртта на Nobel, наградата се доделува за достигнувања во медицината, физиката, хемијата, литературата и мирот. Победниците во секоја категорија ги делат паричните награди, кои се прилагодуваат со текот на годините.
Наградата за економија е додадена подоцна и е финансирана од шведската централна банка.
Хемијата, која му била особено драга на Alfred Nobel и науката која најмногу се применува во неговото инвентивно дело, не мора да е најпривлечната од наградите, но меѓу претходните добитници се научните великани како пионерите на радиоактивноста Marie Curie и Ernest Rutherford.
Минатата година, Нобеловата награда за хемија им беше доделена на Moungi Bawendi, Louis Brus и Aleksej Ekimovза откривањето на ситни кластери атоми познати како квантни точки, кои сега широко се користат за создавање бои на рамни екрани, диоди што емитуваат светлина (LED) светилки и уреди кои им помагаат на хирурзите да ги видат крвните садови во туморите.
