Биба Додева | Промоција на албумот „Незаборавни“

187

Вечерва со почеток од 19 часот на летната тераса на хотелот „Александар Палас“, пејачката Биба Додеваза ќе го промовира својот нов албум „Незаборавни“, пред новинарската фела и пријателите.

Алубомот е реализира во соработка со една професионална екипа предводена од веќе афирмираниот композитор и аранжер, инаку актуелниот директор на МАКФЕСТ, Владимир Дојчиновски.

Ова се соработниците на аранжманите адаптирани од Дојчинот:

  • Придружни вокали – Сара Николовска
  • Бас, контрабас – Ташко Грујовски
  • Програмирање, снимање, миксање – Владимир Дојчиновски
  • Мастеринг – Иле Спасов

Гости – Васко Атансаовски, Stella Tempreli, Коки Јанков, Thanos Stavridis, Горан Папаз, Сашо Николовски, Сенад Усеин, Горан Алачки, Петар Ренџов и Димитар Михајловски.

Станува збор за 11 преработки на македонски евергрини и три бонус авторски песни.

НЕЗАБОРАВНИ

Те носам во мене

како песна од која гласов трепери

со ВИОЛИНА И ГИТАРА

под пенџере дојди ми КАКО НЕКОГАШ.

И сѐ зад себе оставам

сѐ што збор ми одзема

нека ја снема болката

нека оди ВО БЕСТРАГА.

Сравот ми го ситниш

и во мене се заколнуваш

та ме задеваш и велиш ТИ САМО ЗБОРИШ

и со ЕДЕН БАКНЕЖ ме замолчуваш.

Во чекорот будно ме следиш

и молкум крај мене одиш

низ СРЕБРЕНИ УЛИЦИ

кои се прелеваат од дождот

во спокој од кој СКОПЈЕ се буди.

И сакам да осамне ден

во кое силно ќе светне

нашето СОНЦЕ ЗА ТРИ СВЕТОВИ

и ова ЕДНО СРЦЕ што во градите бие

да ти шепне ЛАЖИ МЕ за љубов вечна.

Повикај ме нежно АНУШКА остани

да сме ти и јас еден до друг

во приказна без крај

као НЕОБИЧЕН КРУГ кој не завршува

со пој од ПТИЦА која на југ не заминува

и песни за љубов.

Ана Бунтевска