Вештачката интелигенција може да избере соодветни органи за трансплантација со многу поголема точност од луѓето, објавија британските истражувачи кои ја развиваат новата технологија.
Експертите обезбедиле повеќе од 1 милион фунти (околу 1,12 милиони евра) од британскиот Национален институт за здравствени истражувања (NIHR) за проект кој користи вештачка интелигенција за да го зголеми бројот на органи достапни за трансплантација.
Имено, хирурзите во моментов треба да испитуваат и визуелно да проценат дали човечките органи се доволно квалитетни за трансплантација.
Новиот метод користи вештачка интелигенција и нејзината „меморија“, која содржи десетици илјади слики од органи, за да ги издвои оние со најголеми шанси за успешна трансплантација.
Групата зад технологијата, позната како OrQA, Organ Quality Assessment, објави дека тоа може да значи дека 200 дополнителни пациенти во ОК ќе можат да добиваат нови бубрези, а уште стотина нов црн дроб секоја година.
Штом органот стане достапен, тој визуелно се проценува од хируршки тим, што значи дека органите не секогаш се сметаат за погодни за трансплантација, вели професорот Hassan Ugail, директор на Центарот за визуелни компјутери на Универзитетот Bradford, чиј тим е вклучен во сликовната анализа.
Во моментов развиваме софистициран алгоритам за машинско учење кој ќе биде „обучен“ со користење на илјадници слики од човечки органи. На овој начин, евалуацијата на одвоените слики на органи за трансплантација ќе стане поефикасна отколку кога би се правела визуелно, рече тој.
Ова на крајот ќе значи дека хирургот ќе може да создаде слика на дониран орган, да ја прикачи на OrQA и веднаш да открие како најдобро да го искористи, додаде тој.
Клучен дел на OrQA ќе биде потрага по оштетувања и претходни болести.
Colin Wilson, хирург за трансплантација во болницата Newcastle upon Tyne, рече дека до сега хирурзите немале помош при изборот на органи.
Ова е навистина важен чекор за професионалците и пациентите, чија цел е да гарантираат што поскоро трансплантација на органот на пациентот, објасни тој.
Софтверот што го развивме „го оценува“ квалитетот на органот и има за цел да им помогне на хирурзите да проценат дали органот е доволно здрав за трансплантација.
