Британските научници откриле поврзаност помеѓу патувањето и здравјето.
Поточно откриле колку далеку е потребно да се патува за да се чувствувате поздраво.
Една нова британска студија открива дека луѓето кои патуваат на подолги растојанија се сметаат за поздрави од оние кои патуваат поблиску до дома.
Студијата спроведена од научници од UCL (Универзитетскиот колеџ во Лондон) покажа дека луѓето кои редовно патуваат повеќе од 40 километри од дома имаат поголема веројатност да кажат дека се во општо добро здравје. Исто така, луѓето кои често патуваат на различни места имаат поактивен социјален живот, а една студија покажала дека тоа е поврзано и со подобро здравје.
Резултатите од истражувањето, кои се објавени во списанието Transport & Health, исто така даваат силен доказ за потребата од инвестирање во различни форми на транспорт на средни и долги растојанија, на пример автобуски и железнички транспорт, како и подобро сервисирани патишта.
Здравјето поврзано со полошата достапност на јавен и приватен превоз
Истражувањето ги разгледа патувањата во северна Англија, каде што жителите се соочуваат со полошо здравје од остатокот од Англија и каде што многу рурални и приградски области се помалку достапни со транспорт.
Забележани се асоцијации помеѓу воочените ограничувања за патување надвор од локалното подрачје, како што е недостатокот на соодветен јавен превоз и самооценето здравје, земајќи ја предвид зачестеноста на патувањето, бројот на посетени места, поминатото растојание, користењето автомобил и користењето на јавниот превоз.
Очекувавме дека ограничувањата на патувањата поради недостаток на пристап до соодветен јавен превоз или приватен автомобил ќе бидат поврзани со перцепцијата на жителите за нивното здравје поради недостаток на социјална вклученост. Ги истражувавме асоцијациите помеѓу ограничувањата за патување на повеќе од 25 километри од дома, демографијата и локацијата, и социјалната вклученост, со перцепција на сопственото здравје. Откривме дека клучна променлива е бројот на различни места што луѓето ги посетуваат надвор од нивната локална област. Ова е поврзано со поголеми социјални активности и подобро здравје, вели д-р Paulo Anciaes, водечки автор на студијата.
Студијата е спроведена со помош на онлајн анкета на репрезентативен примерок од 3.014 жители на северна Англија.
Претходно е откриено дека ограничувањата за патување придонесуваат за пониско чувство на благосостојба во регионот, но влијанието врз здравјето претходно не било дел од анализите.
Тимот на UCL користел истражувачка техника наречена „анализа на патеки“, која ги открива директните и индиректните ефекти од ограничувањата за патување надвор од локалната област каде што живеат луѓето.
Посебно погодено од проблемот е населението над 55 години
Така, истражувањето откри дека врските помеѓу ограничувањата за патување, социјалната вклученост и здравјето се посилни кај населението над 55 години. Во оваа возрасна група, ограничувањата на бројот на различни места каде што луѓето можат да патуваат се поврзани со поретки контакти со пријателите и социјален живот.
Луѓето над 55 години имаат поголема веројатност да се соочат со други ограничувања за патување, како што е ограничената подвижност. Поголема е веројатноста да страдаат и од осаменост, истакнува Anciaes.
Тој, исто така, додава дека заминувањето на младите во градовите придонесува за веројатноста за губење на населението во оние области со ограничен транспортен пристап.
Резултатите од студијата ја нагласуваат потребата од јавни политики кои ги намалуваат патните ограничувања во регионот, обезбедувајќи подобри можности за приватен и јавен превоз што овозможуваат почести и подолги патувања, порача на крајот Anciaes.
