Зачуваниот фосил на женка древен морски рептил е наречен „Фиона“ од страна на научниците.
Чилеанските научници успешно откопале еден од најкомпактните фосили на Ichthyosaurus во светот со непроменети ембриони од глечерот Tyndall во чилеанскиот регион Патагонија.
Зачуваниот фосил на женка древен морски рептил научниците му дале име „Фиона“. Фосилот долг четири метри ќе им помогне на научниците да го проучат ембрионалниот развој на Ichthyosaurus кои биле во морињата пред 90 до 250 милиони години.
Овој фосил “е единствениот Ichthyosaurus со ембриони пронајден на планета од пред 129 до 139 милиони години”, рече Judith Pardo, научник што го открила фосилот. “Значи, тоа е неверојатно важно.”
Pardo, палеонтолог во Антарктичкиот истражувачки центар GAIA на Универзитетот Magallanes, го открила фосилот пред повеќе од една деценија, но поради екстремните климатски услови, тешкиот терен и растојанието, неговото ископување било сложен логистички предизвик.
Научниците го ваделе фосилот 31 ден. Бидејќи фосилот е толку компактен, палеонтолозите изјавиле дека морале да отстранат пет блокови од 200 килограми за да ги задржат коските недипрени.
Фосилот сега се подготвува за изложба во Природонаучниот музеј Rio Seco во јужниот дел на Чиле.
Pardo изјави дека научниците откриле уште 23 примероци на Ichthyosaurusи за време на ископувањата, со што вкупниот број пронајдени во глечерот Tyndall се искачи на речиси 100, што го прави регионот едно од најзастапените и најсочуваните места за Ichthyosaurus на планетата.
