WHO предупредува ! Жените се на удар на индустријата за алкохол, а тоа не е добро

633

Жените трпат поголема штета при пониско ниво на конзумирање алкохол.

Светската здравствена организација (WHO) ги повика владите да го земат предвид полот кога развиваат политики за консумирање алкохол, предупредувајќи дека маркетингот во индустријата сè повеќе ги таргетира жените, кои се соочуваат со поголеми здравствени ризици од мажите и од помали количини алкохол.

Агенцијата на ОН со седиште во Женева соопшти дека има докази дека мажите, жените и малцинските групи се различно погодени од штетата поврзана со алкохолот и дека индустријата го прилагодила својот маркетинг за да таргетира различни полови.

Политиките за контрола на алкохолот во голема мера остануваат слепи за половите, велат од WHO, и ги повикува владите да го земат предвид полот при дизајнирање контролни мерки.

Индустријата сè повеќе користи родови пристапи за привлекување потрошувачи, истакнува WHO, додавајќи дека е од клучно значење да се остане во чекор со овие променливи маркетинг тактики.

По успехот во борбата против влијанието на другите производи, како што се цигарите, врз јавното здравје, WHO сè повеќе го насочува своето внимание кон решавање на прашањето за штетата од алкохолот.

Светската здравствена организација ги нагласува студиите кои откриле дека индустријата сè повеќе ги таргетира жените – од пакување до реклами кои ги нагласуваат аспектите на феминизмот или женското пријателство.

Мажите се исто така цел на маркетинг кој ги нагласува традиционалните поими за мажественост и се изложени на поголем ризик од прекумерно пиење, развој на проблеми со алкохолот и вклучување во агресивно или ризично однесување, забележува WHO.

Но, жените претрпуваат поголема штета при пониски нивоа на консумирање алкохол.

LGBTQ + заедницата, исто така, се соочува со различни штети, често консумирајќи повеќе алкохол и има повеќе проблеми со зависност од хетеросексуалните луѓе, додека наследството на колонијализмот и економската маргинализација, исто така, ги ставија домородните народи на зголемен ризик, објаснуваат од WHO.

Оваа организација посочува дека консумирањето алкохол е причински фактор за повеќе од 200 болести и повреди, меѓу кои и некои видови на рак, цироза на црниот дроб и кардиоваскуларни заболувања.